ކ. ތުލުސްދޫގެ ހިތްގައިމު ގޮނޑުދޮށުގައި ހުންނަ ސީޒަން ޕެރަޑައިސްއަކީ ރާއްޖޭގެ ރަށްވެހި ދިރިއުޅުމުގެ ތެރެއިން ޒަމާނީ ފެންވަރުގެ މަތީ ހިދުމަތްތަކެއް ފޯރުކޮށްދޭ، ގިނަ އެވޯޑުތަކެއް ހާސިލުކޮށްފައިވާ ހަތަރު ތަރީގެ ބޫޓީކް ހޮޓަލެކެވެ. މާލެއިން ފުރައިގެން ލޯންޗުގައި އެންމެ 25 މިނެޓުން ދެވޭ މި ހޮޓަލަކީ އަގުހެޔޮކޮށް ލަގްޒަރީ ތަޖުރިބާއެއް ހޯދަން ބޭނުންވާ ފަތުރުވެރިންނަށާއި ދިވެހިންނަށް އަދި ރާއްޖޭގައި ދިރިއުޅޭ ބިދޭސީ މަސައްކަތްތެރިންނަށް އެންމެ ފުރިހަމަ މަންޒިލެވެ.
އާއިލާތަކަށާއި، ރައްޓެހިންގެ ގްރޫޕްތަކުގެ އިތުރުން ކުންފުނިތަކުގެ ދަތުރުތަކަށް ހާއްސަކޮށްގެން ފަރުމާކޮށްފައިވާ މި ހޮޓަލުގައި ފަސް ކެޓަގަރީއަކަށް ބެހިފައިވާ 48 ކޮޓަރި ހުރެއެވެ. މީގެ ތެރޭގައި ސްޓޭންޑަޑް ރޫމްތަކާއި، ރަށުތެރެ ފެންނަ ކޮޓަރިތަކާއި، ކަނޑުގެ ހިތްގައިމު މަންޒަރު ފެންނަ ކޮޓަރިތަކުގެ އިތުރުން އެންމެ މަތީ ފަންތީގެ ސީޒަން ސުއިޓްތައް ހިމެނެއެވެ.
MU STORE
Enterprise Development Industrial Pvt Ltd
MU STORE
ވިޔަފާރި ބައްދަލުވުންތަކާއި ކުންފުނިތަކުގެ ރިޓްރީޓްތަކަށް ހާއްސަކޮށްގެން ސީޒަން ޕެރަޑައިސްގައި އެންމެ ޒަމާނީ ވަސީލަތްތަކާއެކު ކޮންފަރެންސް އަދި އިވެންޓް ހޯލެއް ވަނީ ގާއިމުކޮށްފައެވެ. މި ހޯލަކީ ސެމިނާތަކާއި، މަސައްކަތު ބައްދަލުވުންތަކުގެ އިތުރުން އަމިއްލަ އެކި ހަފުލާތައް ބޭއްވުމަށް އެންމެ އެކަށީގެންވާ މާހައުލެކެވެ.
ކާބޯތަކެތީގެ ހިދުމަތަށް ބަލާއިރު، މި ހޮޓަލުގެ އަވެލި ރެސްޓޯރަންޓުން ބައިނަލްއަގުވާމީ ކާތަކެއްޗާއި ދިވެހި ރަހަތައް ލިބެން ހުރެއެވެ. ހާއްސަކޮށް ކޮންމެ ހުކުރު ދުވަހެއްގެ ރޭ ބާއްވާ ބާބެކިއު ބުފޭއަކީ ގިނަ ބައެއްގެ މަގުބޫލުކަން ލިބިފައިވާ ހަރަކާތެކެވެ. މީގެ އިތުރުން ދަ ގާޑަން ބައި އެސްޕީ އަކީ ހިތްފަސޭހަ މާހައުލެއްގައި ކެއުމަށް އިންސާފުކޮށްލަން ލިބޭ ރަނގަޅު ފުރުސަތެކެވެ. ތުލުސްދޫގައި ތިބޭ ފަރާތްތަކަށް ފަސޭހަކަމާއެކު ކާތަކެތި ފޯރުކޮށްދިނުމަށް ހާއްސަ ޑެލިވަރީ ހިދުމަތެއް ވެސް މި ހޮޓަލުން ދެމުންގެންދެ އެވެ.
ރަށުގައި މަޑުނުކޮށް އެއްދުވަހުގެ ދަތުރުތަކަށް އަންނަ ފަރާތްތަކަށް ހާއްސަ ޑޭ ވިޒިޓް ޕެކޭޖުތަކެއް ވެސް ސީޒަން ޕެރަޑައިސްއިން ވަނީ ތައާރަފުކޮށްފައެވެ. މި ޕެކޭޖުތަކުގެ ދަށުން ހޮޓަލުގެ ފުރާޅުމަތީގައި ހުންނަ އިންފިނިޓީ ޕޫލާއި، ޖިމް އަދި ސްޕާގެ ހިދުމަތް ހޯދުމުގެ ފުރުސަތު ލިބިގެންދެއެވެ.
ސީޒަން ޕެރަޑައިސްއަކީ ރާއްޖޭގެ ގުދުރަތީ ރީތިކަމާއި ޒަމާނީ ފެންވަރުގެ މެހެމާންދާރީ އެއްފުރާޅެއްގެ ދަށުން ތަޖުރިބާކޮށްލަން ލިބޭ ރަނގަޅު ފުރުސަތެކެވެ.
އާއިލާތަކަށް ބޭނުންވާނެ ހުރިހާ ވަސީލަތްތަކަކާއި، މޫދު ކުޅިވަރުގެ އިތުރުން ދުނިޔޭގެ މަޝްހޫރު ރާޅާ އަޅާ ސަރަހައްދުތަކަށް ދިއުމުގެ ފުރުސަތު މި ހޮޓަލުން ފަހިކޮށްދެ އެވެ.
އާއިލީ ޗުއްޓީއަކަށް، އޮފީސް ދަތުރަކަށް ނުވަތަ ހަފްތާ ބަންދުގެ ދަތުރަކަށް ވިޔަސް، ސީޒަން ޕެރަޑައިސްއަކީ އެންމެ ފުރިހަމަ އިހުތިޔާރެވެ.