ގައުމަށް ކުރެއްވި ޚިދުމަތާއި، ޕީޕީއެމް އުފެއްދެވި ބޭފުޅާގެ ހައިސިއްޔަތުންވެސް ޕީޕީއެމްގެ މެންބަރުން ރައީސް އަލްއުސްތާޒު މައުމޫން އަބުދުލްގައްޔޫމް ދޫކޮށްލުމަށް ގޮވާލާ އަޑުއުފުލަންޖެހޭކަމަށް މި ސަރުކާރުގެ ފުރަތަމަ ނާއިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ޕޮލިޓިކަލް އެޑްވައިޒަރެއްގެ ގޮތުގައިވެސް ހުންނެވި ޑރ ޖަމީލު މިކަމަށް ގޮވާލެއްވީ ރައީސް މައުމޫން މިނިވަންކުރުމަށް ގޮވާލާ ކުރައްވަވާފައިވާ ޓްވީޓެއްގައެވެ.
ޖަމީލު ވިދާޅުވީ ރައީސް މައުމޫނަކީ ކުށްވެރިއެއް ނޫންކަމަށެވެ. އަދި އެމަނިކުފާނުގެ ހަމައެކަނި ކުށަކީ މި ސަރުކާރުގެ ގައިރު ގާނޫނީ ކަންތައްތަކާއިމެދު ބަސް ވިދާޅުވުންކަމަށް ޖަމީލު ވިދާޅުވިއެވެ.
ރައީސް މައުމޫންގެ ވެރިކަމުގައި ވަޒީރުކަންވެސް ކުރައްވާފައިވާ ތަޖުރިބާކާރު ސިޔާސީ ލީޑަރު އިތުރަށް ވިދާޅުވީ ގައުމަށް ކުރެއްވި ޚިދުމަތާއި، ޕީޕީއެމް އުފެއްދެވި ބޭފުޅާގެ ހައިސިއްޔަތުންވެސް ޕީޕީއެމްގެ މެންބަރުން ރައީސް އަލްއުސްތާޒު މައުމޫން އަބުދުލްގައްޔޫމް ދޫކޮށްލުމަށް ގޮވާލާ އަޑުއުފުލަންޖެހޭކަމަށެވެ.