ކަރަންޓު ޝޯޓު ވުމުގެ ސަބަބުން، ރޭ ފަތިހު ކަޅުހުރާ މަގުގައި ހުންނަ ލިލީ އެފް އެން ބީ ފިހާރައިގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފްއިން މަޢުލޫމާތު ދީފައިވާ ގޮތުގައި، ރޭ 5:08 ހާ އިރު ހިނގި މި އަލިފާނުގެ ހާދިސާގެ މަޢުލޫމާތު ސިފައިންނަށް ލިބުނު ތަނާ، އެ އަލިފާންގަނޑު ކޮންޓްރޯލް ކުރުމުގެ މަސައްކަތް ވަނީ ކުރަން ފެށިފަ އެވެ.
ކަރަންޓު ޝޯޓު ވުމުގެ ސަބަބުން ރޯވެފައި ވަނީ، އެ ސަރަހައްދުގައި ހުރި ޓިޝޫ ފޮށިތަކަކާއި، ކައިރީގައި ހުރި ބައެއް މުދަލަށް ކަމަށާއި، މާ ބޮޑު ގެއްލުމެއް ލިބިފައި ނުވާ ކަމަށް އެމްއެންޑީއެފްއިން މަޢުލޫމާތު ދެ އެވެ.
އެހެން ނަމަވެސް، މާ ގިނަ އިރުތަކެއް ނުވަނީސް އަލިފާން ނިއްވާލެވިފައިވާ ކަމަށް އެމްއެންޑީއެފްއިން ބުނެ އެވެ.
މިހާދިސާ މޯލްޑިވްސް ޕޮލިސް ސަރވިސް އާއި އެމްއެންޑީއެފް ފަޔަރ އެންޑް ރެސްކިއު ގުޅިގެން ދަނީ އިތުރަށް ތަހުގީގު ކުރަމުން ކަމަށް އެންއެންޑީއެފްއިން މަޢުލޫމާތު ދެ އެވެ.