ސޯޝަލް މީޑިއާގެ ދުނިޔޭގައި ބޮޓުންގެ ނުފޫޒު ބޮޑުވެ، ހަގީގަތާއި ދޮގު ވަކިކުރުން ދަތިވެފައިވާ ކަމަށް އެކްސްގެ އަދި ރެޑިޓްގެ ހިއްސާދާރެއް ކަމަށްވާ ސެމް އޯލްޓްމަން ވިދާޅުވެއްޖެއެވެ. އޭނާ ފާހަގަކުރެއްވި ގޮތުގައި، މިހާރު ސޯޝަލް މީޑިއާގައި ހުންނަ ޕޯސްޓުތަކަކީ އިންސާނުން ލިޔެފައިވާ ޕޯސްޓުތަކެއްތޯ ނުވަތަ ބޮޓުން ލިޔެފައިވާ ޕޯސްޓުތަކެއްތޯ ދެނެގަތުން ވަރަށް ދަތިވެފައިވާ ކަމަށާއި މިކަމުގެ ސަބަބުން ސޯޝަލް މީޑިއާގެ ހަގީގީ ސިފަ ގެއްލިފައިވާ ކަމަށެވެ. އޯލްޓްމަންއަށް މިކަން ހާމަވީ ރެޑިޓްގެ ކްލޯޑްކޯޑް/އާރު ސަބްރެޑިޓްގައި އޯޕަންއޭއައި ކޯޑެކްސްއަށް ތައުރީފުކޮށްފައި ހުރި ޕޯސްޓުތަކެއް ކިޔަމުން ދަނިކޮށެވެ. އޭނާ ފާހަގަކުރެއްވި ގޮތުގައި، މި ޕޯސްޓުތަކުގެ ތެރެއިން ގިނަ ޕޯސްޓުތަކަކީ ކޯޑެކްސް ބޭނުންކުރަން ފެށި ކަމަށް ބުނާ މީހުންގެ ޕޯސްޓުތަކެވެ. ކޯޑެކްސްގެ ކުރިއެރުން ވަރަށް ބޮޑުކަން އެނގިވަޑައިގަންނަވާއިރު ވެސް، މި ޕޯސްޓުތަކުގެ ތެރެއިން ބައެއް ޕޯސްޓުތަކަކީ ބޮޓުންގެ ޕޯސްޓުތަކެއް ކަމަށް އޭނާ ޝައްކުކުރައްވައެވެ. އޯލްޓްމަން ވިދާޅުވާ ގޮތުގައި ސޯޝަލް މީޑިއާގައި ހަގީގީ ސިފަ ގެއްލިފައިވާ ސަބަބުތަކުގެ ތެރޭގައި، އިންސާނުން ވެސް އެލްއެލްއެމް (ލާޖް ލެންގުއޭޖް މޮޑެލް)ގެ ވާހަކަދެއްކުމުގެ ވައްޓަފާޅިއަށް ބަދަލުވެފައިވާކަމާއި، ސޯޝަލް މީޑިއާ ޕްލެޓްފޯމްތަކުން އެންގޭޖްމަންޓް އިތުރުކުރުމަށް ކުރާ މަސައްކަތްތަކާއި، އަދި ބައެއް ކުންފުނިތަކުން ބޮޓުން ބޭނުންކޮށްގެން ދޮގު މައުލޫމާތު ފަތުރާކަން ހިމެނެއެވެ. އޯލްޓްމަން ފާހަގަކުރެއްވި ގޮތުގައި، މިހާރު އޭއައި ޓްވިޓާ (އެކްސް) އަދި އޭއައި ރެޑިޓްގައި ވަރަށް ބޮޑަށް ހަގީގީ ސިފަ ނެތް ކަމަށް ފެނެއެވެ. މިކަމުގެ ސަބަބަކީ ޖީޕީޓީ ފަދަ މޮޑެލްތައް ލިޔުމުގައި ވަރަށް މޮޅުވެފައިވުން ކަމަށާއި މިއީ ސޯޝަލް މީޑިއާގެ އިތުރުން ސްކޫލްތަކާއި، ނޫސްވެރިކަމާއި، ކޯޓުތަކަށްވެސް ކުރިމަތިވެފައިވާ މައްސަލައެއް، އޯލްޓްމަން އިތުރަށް ފާހަގަކުރެއްވިއެވެ. އަނެއްކޮޅުން މިފަދަ ދިރާސާތައް ކުރާ އިމްޕާވާ ކުންފުނިން ރިޕޯޓުކޮށްފައިވާ ގޮތުގައި، 2024 ވަނަ އަހަރު އިންޓަނެޓް ޓްރެފިކްގެ ދެބައިކުޅަ އެއްބަޔަށްވުރެ ގިނައީ އިންސާނުން ނޫން ޓްރެފިކެވެ. މީގެ ބޮޑު ބައެއް އެލްއެލްއެމްތަކުގެ ސަބަބުން ދިމާވާކަމަށް އެ ކުންފުނިން ބުނެއެވެ. އެކްސްގެ ބޮޓް ގްރޮކް ވެސް ބުނާ ގޮތުގައި، އެކްސްގައި މިލިއަނުން ބޮޓްތައް ހަރަކާތްތެރިވެއެވެ. ބައެއް ފަރާތްތަކުން ބުނާ ގޮތުގައި، އޯލްޓްމަން މި ވާހަކަދެއްކީ އޯޕަންއޭއައިގެ އާ ސޯޝަލް މީޑިއާ ޕްލެޓްފޯމެއް މާކެޓްކުރުމަށްޓަކައެވެ. ނަމަވެސް، މިފަދަ ޕްލެޓްފޯމެއްގައި ބޮޓުން ނުހުންނާނެ ކަމަށް ބެލެވޭނެ ހެއްކެއް ނެތެވެ. އެއީ، އެމްސްޓަޑަމް ޔުނިވާސިޓީގެ ރިސާޗަރުން ހެދި ބޮޓުންގެ ސޯޝަލް ނެޓްވޯކެއްގައި ވެސް ބޮޓުން ކްލިކްތައް އުފައްދައި، އެކަކު އަނެކަކަށް ތާއީދުކުރާ ގޮތްތައް ފެނިފައިވެއެވެ. މިކަމުން ދައްކުވައިދެނީ އިންޓަނެޓްގައި ހަގީގީ މައުލޫމާތާއި ދޮގު މައުލޫމާތު ވަކިކުރުން ދުވަހެއް ދުވަހަކަށް ދަތިވަމުންދާ ކަމެވެ. އަދި، ސޯޝަލް މީޑިއާގެ ބޭނުންކުރާ ފަރާތްތަކުން މިކަމަށް ސަމާލުކަން ދިނުން މުހިންމުކަމެވެ.