އަންނަ މަހު ބާއްވަން ހަމަޖެހިފައިވާ "ޖޫނިއާ ޗެމްޕިއަންޝިޕް 2024: ސްކޫލް އެޑިޝަން" ބާސްކެޓް މުބާރާތުގައި ބައިވެރިވާން ހުޅުވާލައިފި އެވެ.
ބާސްކެޓްބޯލް އެސޯސިއޭޝަނުން ބުނީ އަންނަ މަހުގެ 5 ގައި ފަށަން ހަމަޖެހިފައިވާ މު މުބާރާތުގައި ބައިވެރިވާން ބޭނުންވާ ސްކޫލްތަކަށް ރަޖިސްޓްރޭޝަން ފޯމު ހުށަހެޅުމުގެ ފުރުސަތު މި މަހުގެ 15 އާ ހަމައަށް ހުޅުވާލާފައިވާ ކަމަށެވެ. އަދ ބައިވެރިވާ ސްކޫލްތަކުން ޓީމް ލިސްޓް ހުށަހަޅަން ޖެހެނީ މި މަހުގެ 24 ވަނަ ދުވަހު މެންދުރު 12:00 ގެ ކުރިންނެވެ.
"ޖޫނިއާ ޗެމްޕިއަންޝިޕް 2024: ސްކޫލް އެޑިޝަން" ބާއްވަން ހަމަޖެހިފައި ވަނީ ހަތަރު އުމުރުފުރައަކަށެވެ.
13 އަހަރުން ދަށް (އަންހެން/ފިރިހެން): މި އަހަރުގެ އެއްވެސް ތާރީޚެއްގައި 14 އަހަރު ނުފުރޭ ކުދިން
15 އަހަރުން ދަށް (އަންހެން/ފިރިހެން): މި އަހަރުގެ އެއްވެސް ތާރީޚެއްގައި 16 އަހަރު ނުފުރޭ ކުދިން
17 އަހަރުން ދަށް (އަންހެން./ފިރިހެން): މި އަހަރުގެ އެއްވެސް ތާރީޚެއްގައި 18 އަހަރު ނުފުރޭ ކުދިން
19 އަހަރުން ދަށް (އަންހެން/ފިރިހެން ): މި އަހަރުގެ އެއްވެސް ތާރީޚެއްގައި 20 އަހަރު ނުފުރޭ ކުދިން