ދުންފުހުގެ އަސަރު ބޮޑުވެ ދުރު ފެންނަ މިންވަރު 2 ކިލޯމީޓަރަށް ވުރެ ވެސް ދަށްވެފައިވާ ކަމަށް މޫސުމާ ބެހޭ ގައުމީ އިދާރާއިން މިއަދު ބުނެފި އެވެ.
ވީ ކިހިނެއް؟ - މެޓުން ބުނީ ރާއްޖޭގެ ހުރިހާ ސަރަހައްދަކަށް ވެސް ނުރައްކާތެރި މިންވަރަކަށް މިއަދު ވައި ނުސާފު ކަމަށެވެ.
މިއަދު ހެނދުނު މެޓުން ބުނި ގޮތުގައި ދުންފުހުގެ އަސަރާ އެކު ވައި ނުސާފުވެ، ދުރު ފެންނަ މިންވަރު 2 ކިލޯމީޓަރަށް ވަނީ ދަށްވެފަ އެވެ.
ބުނީ ކީކޭ؟ - ނަމަވެސް ދުންފުހުގެ އަސަރު އިތުރަށް ބޮޑުވެ، މިއަދު ހަވީރު މެޓުން ބުނީ ދުރު ފެންނަ މިންވަރު 2 ކިލޯމީޓަރަށް ވުރެ ވެސް ދަށްވެފައިވާ ކަމަށެވެ.
"ދުންފުހުގެ އަސަރު މިއަދު ރާއްޖޭގެ ހުރިހާ ހިސާބަކަށް ވެސް ވަނީ ނުރައްކާތެރި މިންވަރަށް މަތިވެފައި. ވޭތުވެދިޔަ ހަތް ދުވަހަށް ބަލާއިރު މީގެ އަސަރު އެންމެ ބޮޑަށް ކޮށްފައިވަނީ މިއަދު،" މެޓް އޮފީހުން ބުންޏެވެ.
"މޫސުމާ ބެހޭ ރިޕޯޓުތަކުގައި ދުރު ފެންނަ މިންވަރު ވެސް ވަނީ 2 ކިލޯމީޓަރަށް ވުރެ ދަށްވެފައި."
މެޓުން ލަފާކުރަނީ އިރުއުތުރުން އަންނަ ވަޔާ އެކު ކުރިއަށް އޮތް ދެ ދުވަހު ވެސް ދުންފުހުގެ އަސަރު ރާއްޖެ މަތީގައި ހުންނާނެ ކަމަށެވެ.
އެހެންކަމުން ބޭރުގައި އެކި ހަރަކާތްތަކުގައި އުޅޭ މީހުންނާއި ކަނޑު ދަތުރުކުރާ މީހުން ވެސް އެކަމަށް ހާއްސަ ސަމާލުކަމެއް ދިނުމަށް މެޓުން ވަނީ އިލްތިމާސްކޮށްފަ އެވެ.
އެނގުން މުުހިއްމު - ވިލިމާލޭގައި ހުންނަ ސެންޓަ ފޯ މެރިޓައިމް ސްޑަޓީޒްގައި ގާއިމްކޮށްފައިވާ އެއާ ކޮލެޓީ މޮނީޓާ ސިސްޓަމުން ދައްކާ ގޮތުން، މި ސަރަހައްދުގައި ވައިގެ ކޮލެޓީ މިއަދު ހުރީ 158ގަ އެވެ. މިއީ ސިއްހަތަށް ނުރައްކާވާ މިންވަރަށް ވައި ނުސާފުވާ ހާލަތެކެވެ. އެގޮތުން:
އޭކިޔުއައި 151-200އާ ދެމެދު ހުރެއްޖެ ނަމަ އެއީ ސިއްހަތަށް ނުރައްކާވާ މިންވަރެއް
މި ހާލަތުގައި ސިއްހީ ގޮތުން ނޭދެވޭ އަސަރުކޮށް، ފުއްޕާމެ އާއި ހިތުގެ ބަލިތައް ބޮޑުވުމުގެ ނުރައްކާ އެންމެންނަށް ވެސް އޮވޭ
އައިކިޔުއެއާ ވެބްސައިޓުގައި ހުރި މައުލޫމާތަށް ބަލާއިރު:
ޕީއެމް 2.5 މިހާރު ހުރީ ކޮންމެ ކިއުބިކް މީޓަރެއްގައި 66 މައިކްރޯ ގްރާމްގައި