އުރީދޫ ނޭޝަނުން މި އަހަރު ބާއްވާ ފުރަތަމަ މުބާރާތުގައި ބައިވެރިވާން ހުޅުވާލައިފި އެވެ.
ވީ ކިހިނެއް؟ - އުރީދޫ ނޭޝަންގެ ހަރަކާތްތައް މި އަހަރު ރަސްމީކޮށް ފަށަނީ އޯޕަން ސީރީޒް ސީޒަން 1އާ އެކު އެވެ. މިހާރު ވަނީ އޯޕަން ސީރީޒް ސީޒަން 1ގެ ކްލޭޝް ރޯޔާލް އަދި އީއޭއެފްސީ އަލްޓިމޭޓް ޓީމްގައި އޮންލައިންކޮށް ބައިވެރިވާން ހުޅުވާލާފަ އެވެ.
ކްލޭޝް ރޯޔަލް - އޯޕަން ސީރީޒް ސީޒަން 1
އިނާމު ޕޫލް: 5،000ރ.
ފޯމެޓް: އޮންލައިން
ރަޖިސްޓްރޭޝަންގެ ސުންގަޑި: 3 ފެބްރުއަރީގެ ނިޔަލަށް
މުބާރާތް ފަށާ ތާރީހް: 6 ފެބްރުއަރީ
ރަޖިސްޓްރޭޝަން ފީ: 50ރ.
އީއޭއެފްސީ އަލްޓިމޭޓް ޓީމް - އޯޕަން ސީރީޒް ސީޒަން 1
އިނާމު ޕޫލް: 5،000ރ.
ފޯމެޓް: އޮންލައިން
ރަޖިސްޓްރޭޝަންގެ ސުންގަޑި: 12 ފެބްރުއަރީގެ ނިޔަލަށް
މުބާރާތް ފަށާ ތާރީހް: 16 ފެބްރުއަރީ
ރަޖިސްޓްރޭޝަން ފީ: 50ރ.
ފާހަގަކޮށްލެވޭ - އޯޕަން ސީރީޒް މުބާރާތްތަކަކީ ރާއްޖޭގެ އެކި ކަންކޮޅުތަކުގައި ތިބި ގޭމް ކުޅޭ ފަރާތްތަކަށް އެ މީހުންގެ ހުނަރު ދައްކާލުމާއި ގޭމިން ކޮމިއުނިޓީއާ ގުޅުވައި ވާދަވެރި ޕްލެޓްފޯމްތައް ފަހިކޮށްދިނުމަށް ބާއްވާ މުބާރާތެކެވެ.
އުރީދޫ ނޭޝަންގެ މި މުބާރާތްތައް އޮންލައިންކޮށް ބާއްވަނީ ހުރިހާ އަތޮޅެއްގެ ކުޅުންތެރިންނަށް ހަމަހަމަ އުސޫލުން ބައިވެރިވުމުގެ ފުރުސަތު ފަހިކޮށްދިނުމަށެވެ.
އީ-ސްޕޯޓްސް މެދުވެރިކޮށް ޑިޖިޓަލް ހުނަރުވެރިން ކުރިއަރުވައި ޒުވާނުންނަށް ފުރުސަތުތައް ފަހިކޮށްދިނުމުގައި އުރީދޫ ނޭޝަނުން އަންނަނީ މުހިންމު ދައުރެއް އަދާކުރަމުންނެވެ.