ގދ.ތިނަދުއަށް މާދަމާގެ ވަގުތެއްގައި ކަރަންޓު ދެވޭތޯ މަސައްކަތް ކުރަމުންދާ ކަމަށް ފެނަކަ ކޯޕަރޭޝަނުން ބުނެފިއެވެ.
ފެނަކަ ކޯޕްރޭޝަނުން ބުނީ މިއަދު ހެނދުނު އެރަށަށް ގެންދިޔަ ދެ ޖަނަރޭޓަރު އެރަށަށް ބޭލޭވަރުވީ އިރުއޮއްސެން އުޅެނިކޮށް ކަމަށެވެ. އަދި ކަރަންޓު ދިނުމުގެ މަސައްކަތް މާދަމާގެ ވަގުތެއްގައި ފެށޭވަރުވާނެ ކަމަށްވެސް ފެނަކައިން ބުނެއެވެ.
އެރަށަށް ގެންގޮސްފައިވާ އެއްމެގަވޯޓުގެ ޖަނަރޭޓަރ ހުރީ ކޮންޓެއިނަރ އާއެކު އިންޖީނުގޭ ގޯތިތެރޭގައި ކަމަށްވާތީ އެތަނުގައި ބަހައްޓައިގެން ކަރަންޓު ދިނުމަށް މަސައްކަތް ފަށާނެ ކަމަށްވެސް އެ ކޯޕަރޭޝަނުން ބުނެއެވެ.
ފާއިތުވި ހަފުތާގެ ހޯމަ ދުވަހުގެ ރޭ ހިނގި އަލިފާނުގެ ހާދިސާގައި ގދ. ތިނަދޫ އިންޖީނު ގޭގައި ހުރި ހުރިހާ ޖަނަރޭޓަރެއް އަނދާ ހުލިވެ، 22 މިލިއަނަށް ވުރެ ގިނަ ރުފިޔާގެ ގެއްލުންވަނީ ލިބިފައެވެ.