ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްދު ސޯލިހްގެ ކެމްޕެއިންގައި ކުރީގެ މިނިސްޓަރު އަދި ރައީސް މައުމޫން އަބްދުލްގައްޔޫމްގެ ގާތް އެކުވެރިޔާ އުމަރު ޒާހިރު ބައިވެރިވެ ވަޑައިގެންފި އެވެ.
އިބޫގެ ކެމްޕައިންގައި އުމުރު ޒާހިރު ބައިވެރިވެވަޑައިގަތީ މިއަދު ހަވީރު މާފަންނުގައި އިބޫ ކުރިއަށްގެންދިޔަ ދޮރުން ދޮރަށް ހިންގެވި ހަރަކާތުގެ ތެރެއިންނެވެ. އިބޫ ވަނީ ދޮރުން ދޮރަށް ހަރަކާތުގައި އުމަރު ޒާހިރުގެ ގެޔަށް ވެސް މިއަދު ވަޑައިގެން ފައެވެ. އަދި އިބޫ އާއި އުމަރު ޒާހިރު ވަނީ އެކުގައި ޖޭޒް ކެފޭއަށް ވަޑައިގެން ހަވީރުގެ ސައިފޮދު ބައްލަވައިގެންފައެވެ.