ޖުމްހޫރީ ޕާޓީގެ ލީޑަރު ގާސިމު އިބުރާހީމު ޖުޑިޝަލް ސާވިސް ކޮމިޝަނުގެ މެމްބަރުކަމުން ވަކި ކުރުމަށް އެމްޑިޕީ ޕާލިމެންޓްރީ ގުރޫޕުން ހުށަހަޅައިފިއެވެ. އެމައްސަލަ މަޖިލީހަށް ހުށަހަޅާފައިވާކަން މަޖިލީހުން ވެސް ޔަގީންކޮށްދެއެވެ.
ގާސިމު ޖޭއެސްސީން ވަކި ކުރުމަށް އިއްޔެ އެމްޑީޕީން ހުށަހަޅާފައިވާ އިރު ގާސިމު ޖޭއެސްސީން ވަކި ކުރާނެ ކަމުގެ އިންޒާރު އެމްޑީޕީންވަނީ ދީފައެވެ. ގާސިމު ޖޭއެސްސީއަށް ހޮވިވަޑައިގެންނެވީ ކުރިން އެމަގާމުގައި ހުންނެވި ޑރ.އަފްރާޝީމު އަލީ އެމަގާމުން ވަކިކުރުމުންނެވެ.
ގާސިމު ހޮވިވަޑައިގެންނެވީ މާރިޔާދީދީއާއި ވާދަ ކުރައްވައިގެންނެވެ.
އެމްޑީޕީން މައުލޫމާތުދޭ ގޮތުގައި ގާސިމު ޖޭއެސްސީން ވަކި ކުރުމަށް ހުށަހަޅާފައިވަނީ ކުރިއަށް އޮތް ރިޔާސީ އިންތިޚާބުގައި ވާދަކުރައްވާނޭ ކަމަށް އިޢުލާން ކުރައްވާފައިވާތީއާ، އެމްޑީޕީގެ ރިޔާސީ ކެނޑިޑޭޓް ރައީސް ނަޝީދުގެ މައްސަލަ ބަލާ ހުޅުމާލޭ ކޯޓަށް މެޖިސްޓްރޭޓުން ކަނޑައެޅިއިރު އެކަމުގައި ބައިވެރިވެ، ނުފޫޒު ފޯރުވާފައިވާކަމަށް ތުޙުމަތު ކުރެވޭތީ ކަމަށެވެ.