ޖުމްހޫރީ ގުޅުމުގެ ރިޔާސީ ކެންޑިޑޭޓް ގާސިމް އިބްރާހިމަށް ތާއީދު ކުރަން ނިންމެވީ ގައުމު މިހާރު އޮތް ހާލަތުން ރަނގަޅު ހާލަތަށް ގެންގޮސް ދެވޭނީ ގާސިމް އިބްރާހިމަށް ކަމަށް ފެނިވަޑައިގަތުމުން ކަމަށާއި އެމްޑީޕީއާއެކު ޖުމްހޫރީ ޕާޓީން ކޯލިޝަން ނުހަދާނެކަމުގެ ފުރިހަމަ ޔަގީންކަން އެބައޮތް ކަމަށް ޖުމްހޫރީ ގުޅުމުގައި ހިމެނޭ ޓީމް އުމަރުގެ ފަރާތުން ބުނެފި އެވެ.
ޖުމްހޫރީ ގުޅުމުގެ ތެރޭގައި އޮތް "އުމަރު ނަސީރުގެ ޓީމު" ގެ ފަރާތުން އުމަރުން މިރޭ ބަޔާނެއް އާންމު ކޮށް ބުނީ އެ ޓީމުން ގާސިމާ ގުޅުނީ ވަރަށް ގިނަ ގޮތްގޮތުން ބަލައި ވިސްނުމަށްފަހު ކަމަށާއި ގާސިމަކީ ވޭތިވެދިޔަ ތިން އަހަރުގައި ވެރިކަން ކުރެއްވި ކުރީގެ ރައީސް މުހައްމަދު ނަޝީދުގެ ކިބައިން މިގައުމު ސަލާމަތްކޮށް އަމާން އައްސޭރިއަކަށް ގެންގޮސް ދެއްވާނެ ލީޑަރު ކަމަށެވެ.
މިރޭ ނަޝީދު މާފަންނު ވިލާއަށް ވަޑައިގެން ގާސިމާ ބައްދަލު ކުރައްވާފައިވާތީ އެކަމަށް އިޝާރާތްކޮށް އެ ބަޔާނުގައި ބުނެފައިވަނީ އެއީ ޖުމްހޫރީ ގުޅުމުން ނިންމައިގެން ކުރިކަމެއް ނޫންކަމަށާ އެމްޑީޕީއާއި ޖުމްހޫރީ ގުޅުމުން ކޯލިޝަން ނުހަދާނެކަމުގެ އެބައޮތް ކަމަށެވެ.