6 ގަޑިއިރަށް މާލެއިން ކަރަންޓު ދިޔުން: މައްސަލަ އަދިވެސް ދަނީ ތަހުގީގު ކުރަމުން

މިދިިޔަ ޖޫން 1ގައި، މުޅި މާލެ އާއި ހުޅުމާލެ އަދި އެއާޕޯޓުން ކަރަންޓް ދިޔަ މައްސަލައިގެ ތަހުގީގު އަދިވެސް ކުރިއަށް ދާ ކަމަށް މިއަދު ފުލުހުން ބުނެފި އެވެ.
ވީ ކިހިނެއް؟- މުޅި މާލެ އާއި ހުޅުމާލޭން ވެސް މިއަދު ތިން ގަޑިއިރެއްހާއިރަށް ކަރަންޓު ގޮސްފައިވަނިކޮށް، ފުލުހުން މީޑިއާތަކަށް ފޮނުވި މެސެޖެއްގައި ބުނީ މިދިޔަ ޖޫން މަހު 6 ގަޑިއިރަށް ކަރަންޓު ދިޔަ މައްސަލައިގެ ތަހުގީގުގެ އިބްތިދާއީ ހޯދުންތަކާއި މައުލޫމާތު މިހާރު އެއްކޮށްފައިވާ ކަމަށެވެ.
މި މައުލޫމާތުތަކަށް ބަލައި، މައްސަލަ އަދިވެސް އިތުރަށް ތަހުގީގު ކުރަމުންދާ ކަމަށް ބުންޏެވެ.
"ތަހުގީގު އެއްކޮށް ނިމުމުން ފާހަގަކުރެވުނު ކަންކަން ހިއްސާކޮށްދޭނެ ވާހަކަ ދަންނަވަން،" ފުލުހުން ފޮނުވި މެސެޖުގައި ބުންޏެވެ.
އެނގުން މުހިއްމު- މާލެ ސަރަހައްދުން ގިނަ އިރުތަކަކަށް ކަރަންޓު ދިޔަ އެ މައްސަލަ، ސީރިއަސް މައްސަލައެއްގެ ގޮތުގައި ތަހުގީގު ކުރަން ރައީސް މުހައްމަދު މުއިއްޒު ކަމާ ބެހޭ ފަރާތްތަކަށް ވަނީ އަންގަވާފަ އެވެ.
ސްޓެލްކޯއިން ފަހުން ބުނިގޮތުގައި އެ ފަހަރު ބޮޑު 'ބްލެކްއައުޓް' އަކަށް ދިޔައީ، ދެ ރަށަށް ކަރަންޓު ދޭން ސިނަމާލެ ބްރިޖުން އަޅާފައިވާ އިންޓަކަނެކްޝަން ކެނޑިގެންނެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ