ރައީސުލްޖުމްހޫރިއްޔާގެ ނާއިބު އަޙްމަދު އަދީބު ޢަބްދުލްޣަފޫރު، ދެވަނަ ސުއެޒް ކެނަލް ހުޅުވުމުގެ ރަސްމިއްޔާތުގައި ބައިވެރިވެވަޑައިގެންފިއެވެ.
ރައީސް އޮފީހުން މަޢުލޫމާތު ދެއްވި ގޮތުގައި މި ރަސްމިއްޔާތު އޮތީ ރާއްޖެ ގަޑިން މިއަދު އިރުއޮއްސުނު ވަގުތު މިޞްރުގެ ރަށެއްކަމައްވާ އިސްމައިލިއްޔާގައި ކަމަށެވެ.
This slideshow requires JavaScript.
މި ރަސްމިއްޔާތުގައި ބައިވެރިވެވަޑައިގަތުމަށްޓަކާ ރައީސުލްޖުމްހޫރިއްޔާގެ ނާއިބު، މިޞްރަށް ފުރާވަޑައިގެންނެވީ ބުދަ ދުވަހުއެވެ. އެމަނިކުފާނު މިޞްރަށް ވަޑައިގަތުމުން މަރްޙަބާ ވިދާޅުވީ މިޞްރުގެ މިނިސްޓަރ އޮފް ވޯޓަރ ރިސޯސަސް އެންޑް އިރިގޭޝަން، ހުސާމް މުޣާޒީއެވެ.
މިއީ ނައިބު ރައީސް ކަމާއި އަދީބް ހަވާލުވެވަޑައިގެންނެވި ފަހުން ރާއްޖެއިން ބޭރަށް ކުރައްވާ ފުރަތަމަ ރަސްމީ ދަތުރުފުޅެވެ.
ނައިބު ރައީސްގެ މަގާމާ އަދީބް ހަވާލުވެވަޑައިގެންފައި ވަނީ މިދިޔަ މަހުގެ 23 ވަނަ ދުވަހު އެވެ.