ޖުޑީޝަލް ސާވިސް ކޮމިޝަން (ޖޭއެސްސީ) އަށް ގާނޫނީ ވަކީލުންގެ ފަރާތުން އިންތިހާބު ކުރި މެންބަރު ލަތީފާ ގާސިމް ޖޭއެސްސީގެ މެންބަރު ކަމުގެ ހުވާ މިއަދު ކުރައްވައިފިއެވެ.
އަލްއުސްތާޛާ ލަޠީފާ ޤާސިމް‏، ޖުޑީޝަލް ސަރވިސް ކޮމިޝަނުގެ މެންބަރު ކަމަށް ‏‎ ހަމަޖެއްސެވިކަމުގެ ލިޔުން، ރައީސުލްޖުމްހޫރިއްޔާ ޙަވާލު ކުރެއްވުމުގެ ރަސްމިއްޔާތު އޮތީ، މިއަދު ‏‏މެންދުރު ރައީސުލްޖުމްހޫރިއްޔާގެ އޮފީހުގައެވެ‏‎.‎
‏މިރަސްމިއްޔާތުގައި ލިޔުން ޙަވާލު ކުރެއްވުމުގެ ކުރިން، ސުޕްރީމް ކޯޓުގެ ފަނޑިޔާރު ‏‏އަލްއުސްތާޛު ޢަބްދުﷲ ޢަރީފުގެ ކުރިފުޅުމަތީގައި، ޖުޑީޝަލް ސަރވިސް ކޮމިޝަންގެ މެންބަރުކަމުގެ ‏‏ހުވައި، ‏އަލްއުސްތާޛާ ލަޠީފާ ޤާސިމް ކުރެއްވިއެވެ.
ލަތީފާ ޖޭއެސްސީގެ މެންބަރު ކަމަށް ހޮވިވަޑައިގެންނެވީ ކުރީ ކުރީގެ ޑެޕިއުޓީ ޕްރޮސެކިއުޓަ ޖެނަރަލް ހުސައިން ޝަމީމްއާ ވާދަކުރައްވައިގެންނެވެ. ލަތީފާއަށް 238 ވޯޓު ލިބިވަޑައިގެންނެވިއިރު ޝަމީމްއަށް ލިބިވަޑައިގެންނެވީ 163 ވޯޓެވެ.