މި ހާދިސާ ހިނގިތާ ހަ ދުވަސް ފަހުން ރައުދު ހައްޔަރުކުރުމަށް ފުލުހުން ވަނީ ކޯޓު އަމުރަކަށް އެދިފަ އެވެ.
މިދިޔަ ހުކުރު ދުވަހުގެ ރޭ ހ. ފެންޓެނޯއީ ގޭގެ ނުވަވަނަ ފަންގިފިލާގެ ފެންލައިޓުން ގުދަނެއްގެ ފުރާޅު މައްޗަށް ހައްވާ ޔުމްނު ރަޝީދު ވެއްޓުނު ހާދިސާގައި އޭނާ އާއެކު އެގޭތެރޭގައި ހަރަކާތްތެރިވި ރައުދު އަހުމަދު ޒިލާލް، 21، ހައްޔަރު ކުރުމުގެ މަސައްކަތް ފުލުހުން ފަށައިފި އެވެ.
މި ހާދިސާ ހިނގިތާ ހަ ދުވަސް ފަހުން ރައުދު ހައްޔަރުކުރުމަށް ފުލުހުން ވަނީ ކޯޓު އަމުރަކަށް އެދިފަ އެވެ.ރައުދު ހައްޔަރު ނުކޮށް ދޫކޮށްލާފައި ހުރި ގިނަ ފާޑުކިޔުންތަކެއް އަމާޒުވެފައި ވަނިކޮށް މިއަދު ފުލުހުން ބޭއްވި ނޫސްވެރިންގެ ބައްދަލުވުމުގައި އެސިސްޓެންޓު ކޮމިޝަނާ އޮފް ޕޮލިސް އިސްމާއިލް ނަވީން ވިދާޅުވީ ރައުދުގެ ފަރާތުން ތަހުގީގަށް އެއްބާރުލުން ނުލިބޭ ކަމަށެވެ.މި ހާދިސާ ހިނގުމުގެ ކުރިން ރައުދު އަދި ޔުމްނު ހިމެނޭހެން ޒުވާނުންތަކެއް ވަނީ އެރޭ މއ. މާންދޫގޭދެކުނު ގޭގައި މަސްތުވާތަކެއްޗާއެކު ޕާޓީކޮށްފަ އެވެ. ޕާޓީއަށްފަހު އެރޭ ދަންވަރު އެމީހުން އެގެއިން ނުކުމެ، ކަށިވެލިގެއަށް ވަދުމަށްފަހު ރައުދު އަދި ޔުމްނު ދިޔައީ ފެންޓެނޯއީ އަށެވެ. އެއީ އެމީހުންނާ ގުޅުން ހުރި ގެއެއް ނޫނެވެ.ފުލުހުން މިއަދު ވަނީ އެ ދެ މީހުން އެގޭތެރޭގައި ހަރަކާތްތެރިވި ސީސީޓީވީ ފުޓޭޖްތައް ވެސް ދައްކާފަ އެވެ.އޭގެ އިތުރުން، ފުލުހުން މިއަދު ހާމަކޮށްފައިވާ ގޮތުގައި ހާދިސާ ހިނގުމުގެ ކުރިން ޔުމްނުއާއެކު މާންދޫގޭދެކުނު ބައިގައި ހަރަކާތްތެރިވި އަށް ޒުވާނުންގެ ޕާސްޕޯޓް ހިފަހައްޓާފައިވާ ކަމަށެވެ. އޭގެ ތެރޭގައި ޓްރާންސްޕޯޓް މިނިސްޓަރަށް ބޮޑުބޭބެ ކިޔާ ދެ މީހުން ވެސް ހިމެނެ އެވެ.އެއީ؛
ފުލުހުން ބުނެފައި ވަނީ މާންދޫގޭދެކުނު ބައިގެ 2 އަދި 4 ވަނަ ފްލޯގައި ހުރި އެޕާޓްމެންޓްތައް ބަލައި ފާސްކުރަން ފަށާފައިވާ ކަމަށެވެ. އަދި ކަށިމާގެ ވެސް ބަލައި ފާސްކުރަން ފަށާފައިވާ ކަމަށެވެ. މީގެ ކުރިން ފުލުހުން ބޭއްވި ސިއްރު ނޫސްވެރިންގެ ބައްދަލުވުމުގައި ބުނެފައި ވަނީ ޕާޓީ ކުރި މިނިސްޓަރު އަމީންގެ ގެ ބަލައިފާސްކުރަން ޖެހޭފަދަ ޒަރޫރަކެއް ނެތް ކަމަށެވެ. ނަމަވެސް މިއަދު ރާގު ބަދަލުވެ، މާންދޫގޭ ދެކުނު ބައިގައި ހިނގައި ދިޔަ ކަންކަން ދެނެގަތުމަށް ވަކި ތަހުގީގެއް ހިންގާނެ ކަމަށް ކޮމިޝަނާ އޮފް ޕޮލިސް އަލީ ޝުޖާއު ވިދާޅުވި އެވެ. މި މައްސަލައިގައި ފުލުހުންގެ ހުރި ހުރިހާ ވަސީލަތެއް ބޭނުންކޮށްގެން އަދި ނެތް ވަސީލަތެއް ނަމަ ރާއްޖޭން ބޭރަށް ފޮނުވައިގެން ވެސް ތަހުގީގު ކުރިއަށް ގެންދާނެ ކަމުގެ ޔަގީންކަން އޭނާ ދެއްވި އެވެ.ޕާޓީ ކުރި މީހުންގެ ތެރެއިން ރައީސް ރައީސް އޮފީހުގެ އަންޑަ ސެކްރެޓެރީ ފޯ ސްޓްރެޓެޖިކް ކޮމިޔުނިކޭޝަން މަގާމުގައި ހުންނެވި އިޒްދިޔާން މިއަދު ވަނީ މަގާމުން ވަކިކޮށްފަ އެވެ. އަދި ރައީސް އޮފީހުގެ އަންޑާ ސެކްރެޓެރީ ފޯ ޑިޖިޓަލް ސްޓްރެޓެޖީގެ މަގާމުގައި ހުންނެވި ދާއޫދު އަހުމަދު، މުސާރަ ނުލިބޭ ގޮތަށް ވަނީ ސަސްޕެންޑްކޮށްފަ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ