އައިޖީއެމްއެޗް ކައިރީގައި ތޫނު އެއްޗަކުން މީހަކަށް ހަމަލާ ދީފިއެވެ.
ފުލުހުން ވިދާޅުވީ، މާލޭ ކަނބާއައިސާ ރަނިހިނގުން އައިޖީއެމްއެޗް ކައިރީ ހުރި މީހަކަށް ސައިކަލެއްގައި އައި 2 މީހަކު ހަމަލާދީ މާރާމާރީ ހިންގި މައްސަލައެއް މިރޭ 08:41 ހާއިރު ފުލުހުންނަށް ރިޕޯޓްކޮށްފައިވާކަމަށެވެ.
މި ހަމަލާގައި އަނިޔާވި މީހާ އައިޖީއެމްއެޗްއަށް ގެންގޮސް އަންނަނީ ފަރުވާ ދެމުންނެވެ. ނަމަވެސް މި މައްސަލައިގެ އިތުރު ތަފްޞީލެއް ފުލުހުން އަދި ހާމަކުރައްވާފައެއްނުވެއެވެ.
މި މައްސަލަ އިތުރަށް ތަޙުޤީޤު ކުރަމުންދާކަމަށް ފުލުހުން ވަނީ ވިދާޅުވެފައެވެ.