ކަސްޓަމްސްގެ ބެލުމުގެ ދަށުގައި ހުރި މިލިޔަނަކަށްވުރެ ގިނަ ސިނގިރޭޓް ނައްތާލައިފިއެވެ.
ކަސްޓަމްސްއިން މި ތަކެތި ނައްތާލައިފައިވަނީ މިމަހުގެ 24 ވަނަ ދުވަހު ކ. ދޫނިދޫގައެވެ.
އެ އިދާރާއިން ވިދާޅުވީ ނައްތާލާފައިވަނީ އެ އިދާރާގެ ކޮންޓްރޯލްގެ ދަށުގައި ނުގެންގޮސް ހުންނަ ތަކެއްޗާއި، ރާއްޖެއަށް އެތެރެކުރަން އުޅެނިކޮށް ހިފެހެއްޓޭ މަނާތަކެތި ނައްތާލުމުގައި އަމަލުކުރާ އުސޫލުގެ ދަށުންކަމަށެވެ. އެގޮތުން ނައްތާލި ތަކެތީގެ ތެރޭގައި 1,359,180 (އެއް މިލިއަން ތިން ސަތޭކަ ފަންސާސް ނުވަހާސް އެއް ސަތޭކަ އަށްޑިހަ) ސިނގިރޭޓް ސްޓިކް ހިމެނޭކަމަށް ކަސްޓަމްސް އިން މައުލޫމާތުދެއެވެ.
ޤަވައިދާއި ޚިލާފައި ރާއްޖޭ އެތެރެކުރާ ސިނގިރޭޓް ފަދަ ތަކެތީގެ އިތުރުން، ބަނގުރާ އަދި މަސްތުވާތަކެތި ފަދަ ތަކެތި ވެސް ކަސްޓަމްސްއިން ދަނީ ނައްތާލަމުންނެވެ.