މައްސަލަ ހައްލުކޮށް, ވެލާނާ އިންޓަނޭޝަނަލް އެއާޕޯޓަށް އަލުން ކަރަންޓު ދީފިއެވެ.
އެއާޕޯޓުން ކަރަންޓު ކެނޑިފައި ވަނީ މިއަދު ހެންދުނު 8:30 ހާއިރުއެވެ. އޭގެ ސަބަބުން ޗެކިން ކުރުމަށް ބުރޫއަރައި، ބައެއް ފްލައިޓުތައް ވަނީ ޑިލޭވެފައެވެ.
އެ ކުންފުނީގެ ކޮމިއުނިކޭޝަން ޑިރެކްޓަރު ޝައްމާން ޝާކިރު "ދެން"އަށް މަޢުލޫމާތު ދެމުން ވިދާޅުވީ މައްސަލަ ހައްލުކޮށް މިހާރު އެއާޕޯޓަށް އަލުން ކަރަންޓު ދީފައިވާ ކަމަށާއި އެއާޕޯޓުގެ މަސައްކަތްތައް އަލުން ފަށާފައިވާ ކަމަށެވެ. މިކަމާއި ގުޅިގެން އާންމުންނަށް ދިމާވި ދަތިތަކަށް މާފަށް އެދޭ ކަމަށް ވެސް ވިދާޅުވިއެވެ.
Our technical teams have resolved the issue, and power has been restored @VelanaAirport.
Operations are now back on track. We apologise for the inconvenience and appreciate your patience during this time. Safe travels to all our passengers! https://t.co/DPxS1FviSL
— Maldives Airports Company Ltd (@MACLmedia) April 19, 2024
ވީއައިއޭ އަށް ކަރަންޓް ދެނީ އެ އެއާޕޯޓް ހިންގަމުން އަންނަ މޯލްޑިވްސް އެއާޕޯޓްސް ކޮމްޕެނީ ލިމިޓެޑް އެމްއޭސީއެލް އިން އަމިއްލައަށެވެ.