މާލޭގެ ދިލްބަހާރުމަގުގައި ހިންގާ ވިޔަފާރި ކުރާ ތަންތަން ބަލައި ފާސްކޮށް ގަވައިދާ ހިލާފަށް އުޅެމުންދާ 31 ބިދޭސީން އަތުލައިގެންފިއެވެ.
އިމިގްރޭޝަނުން ބުނީ، އިއްޔެ ހަވީރު އެތަންތަން ބަލާ ފާސްކޮށްފައި ވަނީ މާލޭގެ ދިލްބަހާރުމަގުގައި ހިމެނޭ ބިދޭސީންގެ ނުފޫޒު ބޮޑުކަމަށް ބެލެވޭ ވިޔަފާރިތައް ހިންގާ ތަންތަން ކަމަށެވެ. އެ ތަންތަނުގައި ގަވައިދާ ހިލާފަށް ބިދޭސީން އުޅެމުންދާ ކަމަށް ގިނަ އަދަދަކަށް ރިޕޯޓް ލިބިފައިވާކަން އިމިގްރޭޝަނުން ވަނީ ފާހަގަކޮށްފައެވެ.
އިތުރަށް އިމިގްރޭޝަނުން ބުނީ އިއްްޔެ ހިންގި އޮޕަރޭޝަންގައި ވަނީ ގަވާއިދާ ހިލާފަށް އުޅޭ 31 ބިދޭސީން އަތުލައިގެން އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށެވެ.