މާލެއިން 19 އަހަރުގެ ނޭޕާލް އަންހެނެއް ގެއްލުނުތާ ދެ ދުވަސްވެއްޖެއެވެ. ގެއްލިގެން ހޯދަން ފުލުހުން އިއުލާނުކުރީ، ޕޫރްނީމާ ގަޖްމާއެވެ. ފުލުހުން ބުނީ، އޭނާ މިދިޔަ އަންގާރަ ދުވަހުގެ 14:00 އެހާކަންހާއިރުން ފެށިގެން ދިޔަ ތަނެއް ނޭނގި ގެއްލިފައިވާ ކަމަށް އިއްޔެ އިރުއޮއްސި 18:56 ހާއިރު ރިޕޯޓުކޮށްފައިވާ ކަމަށެވެ. އެހެންވެ، އެ މައުލޫމާތު ކަމާ ގުޅޭ ހުރިހާ އިދާރާތަކާ ހިއްސާކޮށް، އޭނާ ހޯދުމުގެ މަސައްކަތް ކުރަމުން އަންނަ ކަމަށް ފުލުހުން ބުނެއެވެ. އެކަމަކު، މިހާތަނަށް ކުރެވުނު މަސައްކަތުން އޭނާ އުޅޭތަނަކާއި އޭނާއާ ބެހޭ އެއްވެސް މައުލޫމާތެއް ހޯދިފައިނުވާކަމަށް ފުލުހުން މައުލޫމާތުދެއެވެ. އެ މުއައްސަސާއިން ވަނީ، އޭނާއާ ބެހޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ލަސްނުކޮށް، މާފަންނު ޕޮލިސް ސްޓޭޝަންގެ ނަންބަރު 9660183 އަށް ގުޅައިގެން ހިއްސާކުރުމަށް އެދިފައެވެ. ފާހަގަކުރެވޭ ގޮތުގައި، މާލޭއިން ދޭތެރެއަކުން މީހުން ގެއްލިގެން ހޯދަން އިއުލާނުކުރެއެވެ. އެކަމަކު، ހޯދަން އިއުލާނު ކުރާތާ މަދު ވަގުތުކޮޅެއް ތެރޭ އާންމުކޮށް، އެމީހުން އާއިލާއަށް ގުޅައެވެ.