މޫސުން ގޯސްވެ، ދެކުނު އަތޮޅުތަކަށް ވައިޓް އެލާޓް ނެރެފި އެވެ.
މޫސުމާ ބެހޭ ގައުމީ އިދާރާ (މެޓް އޮފީސް) އިން އެލާޓް ނެރުނީ ގއ. އަތޮޅުން ފެށިގެން އައްޑޫ ސިޓީ އާ ހަމައަށެވެ. އެގޮތުން އެސަރަހައްދަށް ބޯކޮށް ވާރޭވެހި ގުގުރުން އެކަށީގެންވާ ކަމަށް އެ އިދާރާއިން ވަނީ ބުނެފަ އެވެ.
އެ ސަރަހައްދަށް ވައިޓް އެލާޓް ނެރިފައި ވަނީ މިއަދު ހެނދުނު 09:50 އިން މެންދުރު 02:00 އާ ހަމައަށެވެ. Alert White for Heavy rain and thunderstorms. pic.twitter.com/x7mm82uh6D— Maldives Meteorology (@MetMaldives) June 27, 2019
މެޓް އޮފީހުން ބުނީ ރާއްޖޭގެ ދެކުނުގެ އެކި ހިސާބަށް ވިއްސާރަ ކުރުމާއެކު ގުގުރާނެ ކަމަށެވެ. އަދި އެހެން ހިސާބުތަކަށް ކެރީގެ އަސަރު ފޯރި ނަމަވެސް މޫސުން އާއްމު ގޮތެއްގައި ރަނގަޅު ވާނެ ކަމަށް ވެސް ވަނީ ބުނެފައި ވެއެވެ.
ވައި ޖެހޭނީ ހުޅަނގާއި ހުޅަނގު އުތުރުން، އުތުރާއި މެދުތެރޭގެ އަތޮޅުތަކަށް ގަޑިއަކު 5 މޭލާއި 15 މޭލާ ދެމެދުގެ ބާރު މިނުގައި އަދި ދެކުނު އަތޮޅުތަކުގައި އިރު ދެކުނާއި ދެކުނުން ގަޑިއަކު 3 މޭލާއި 10 މޭލާ ދެމެދުގެ ބާރު މިނުގައެވެ.
ރާއްޖޭގެ ކަނޑުތައް އާދައިގެ ވަރަކަށް މަޑު ވާނެ ކަމަށް މެޓް އޮފީހުން ވަނީ ބުނެފަ އެވެ.