ސަރުކާރު ކޯލިޝަންގައި ހިމެނޭ އެމްޑީއޭއަށް ލިބުނު ގައްދޫ ދާއިރާއަށް ވާދަނުކުރަން އެ ޕާޓީން ނިންމުމާ ގުޅިގެން ގައްދޫ ދާއިރާއަށް ކުރިމަތިލުމުގެ ފުރުސަތު ޕީޕީއެމް އިން ހުޅުވާލައިފިއެވެ.
ޕީޕީއެމް އިން ބުނީ ގައްދޫ ދާއިރާއަށް ޕާޓީގެ ފަރާތުން ވާދަކުރައްވަން ބޭނުންފުޅުވާ ފަރާތްތަކަށް މިއަދު ފެށިގެން މާދަމާ 4:00 އާ ހަމައަށް ކުރިމަތިލުމުގެ ފުރުސަރު ހުޅުވާލައިފައިވާ ކަމަށެވެ.
އަދި ކުރިމަތިލާ ފަރާތްތަށް އިވެލުއޭޓް ކުރުމަށްފަހު ޕްރައިމަރީއެއް ބާއްވަން ޖެހިއްޖެނަމަ ބާއްވާނެކަމަށް ޕީޕީއެމް އިން ބުނެއެވެ.
އެމްޑީއޭއިން ވާދަނުކުރަން ނިންމުމުން ގައްދޫ ދާއިރާއަށް ކުރިމަތިލުމުގެ ފުރުސަތު ޕީޕީއެމް އިން ހުޅުވާލިއިރު އެމްޑީއޭއިން ވަނީ ގައްދޫ ދާއިރާއަށް އަމިއްލަ ގޮތުން ވާދަކުރާ އެ ދާއިރާގެ މިހާރުގެ މެމްބަރު ޒާހިރު އާދަމް (ގައްދު ޒާހިރު) އަށް ތާއީދުކުރުމަށް ނިންމާފައެވެ.