ފުލުހުން ރައްޔިތުންނަށް ދޮގެއް ނުހަދާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ފުލުހުންގެ 92 ވަނަ އަހަރީ ދުވަހުގެ ޖަލްސާގައި މިރޭ ވާހަކަފުޅުދައްކަވަމުން ރައީސް ވިދާޅުވީ ފުލުހުންގެ މުއައްސަސާގެ ފަރާތުން ރައްޔިތުންނަށް ދޮގެއް ނުހަދާނެ ކަމަށާއި އެއީ ގަބޫލުކުރައްވާ ކަމެއް ނޫން ކަމަށެވެ.
"ފުލުހުން ރައްޔިތުންނަށް ދޮގު ހަދައިގެން ފުލުހުންނަށް ލިބޭނެ ފައިދާއެއް އަދި ފުލުހުން ކުރައްވާނެ ކަމެއް ވެސް ނޫން އެއިކީ،" ރައީސް ވިދާޅުވި އެވެ.
ރައީސް ވިދާޅުވީ ފުލުހުންގެ މުއައްސަސާގެ އަގުވައްޓާލަން މަސައްކަތް ކުރަނީ ދިވެހިންގެ ތެރޭގައި ބައިބައިވުން އުފައްދާ އަދި އެކި ކަހަލަ ފިތުނަތައް އުފައްދަން އުޅޭ ފަރާތްތަކުން ކަމަށެވެ.
"އަޅުގަނޑުމެން ވާންޖެހޭނީ ކެތްތެރިކަމާއެކީގައި ފުލުހުންގެ ހިދުމަތް، ފުލުހުން އަދާކުރަން ފުރުސަތު ދޭން. އަޅުގަނޑު ދޭ ޔަގީންކަމަކީ މި ސަރުކާރުގައި ފުލުހުންގެ ފަރާތުން ލިބިގެންދާނީ ދެފުށް ފެންނަ، ޒިންމާދާރު، ތެދުވެރި، އަމާނާތްތެރި ހިދުމަތެއްކަން،" ރައީސް ވިދާޅުވި އެވެ.
އިތުރު ތަފްސީލް އަންނަނީ