ކުޅުދުއްފުށީގެ ކުޅި ހިމާޔަތްކުރުމަށް ރައީސް މައުމޫން ގޮވާލައްވައިފިއެވެ.
ރައީސް މައުމޫން މިކަމަށް ގޮވާލެއްވީ ހދ ކުޅުދުއްފުށީގައި އޮތް ދުވަސްވީ މަށިކުޅިން ބައެއް ހިއްކައިގެން އެރަށުގައި އެއާޕޯޓެއް އެޅުމަށް ސަރުކާރުން މަސައްކަތް ފެށުމަށް ތައްޔާރުވެފައިވާތީ އެކަމާއި ކަންބޮޑުވުން ފާޅުކުރައްވާ ކުރެއްވި ޓްވީޓެއްގައެވެ.
ރައީސް މައުމޫން ވިދާޅުވީ ތިމާވެއްޓަކީ އަޅުގަނޑުމެން ހަލާކުކުރަން އޮތް އެއްޗެއް ނޫންކަމަށާ އެއީ ހިމާޔަތްކޮށް ރައްކާތެރިކަމާއިއެކު އަންނަން އޮތް ޖީލުތަކާއި ހަމައަށް ފޯރުކޮށްދޭންޖެހޭ އެއްޗެއްކަމަށެވެ.
މި ޓްވީޓްގައި ރައީސް މައުމޫން ވަނީ ކުޅުދުއްފުށީގެ ކުޅި ހިމާޔަތްކުރުމަށް ގޮވާލައްވާފައެވެ.