ގއ. ކޫއްޑޫ ކައިރިއަށް ފީނަންގޮސް އުޅުނު ސްޕެއިންގެ ފަތުރުވެެރިޔަކަށް މިޔަރެއް އިއްޔެ ހަމަލާދީފި އެވެ.
ވީ ކިހިނެއް؟ - މިޔަރު ހަމަލާދީފައިވަނީ ރެޒިޑެންސް މޯލްޑިވްސް ރިސޯޓުގައި ޗުއްޓީ ހޭދަކުރަމުންދިޔަ 30 އަހަރުގެ ފިރިހެނަކަށެވެ.
ތަފްސީލް - އިއްޔެ ހިނގި މި ހާދިސާގައި އޭނާގެ ކަނާތުފަޔަށް ބޮޑު ޒަހަމެއް ލިބިފައިވާ ކަމަށް އެނގިފައިވެ އެވެ. 
ޒަހަމްތަކަށް  ގއ. އަތޮޅު ހޮސްޕިޓަލުގައި ފަރުވާ ދިނުމަށް ފަހު އިތުރު ފަރުވާއަށް އޭނާ ރޭ ވަނީ މާލެ ގެނެސްފަ އެވެ.
ފާހަގަ ކުރެވޭ - މީގެ ކުރިން ވެސް ޑައިވް ކުރުމުގެ ތެރޭގައި މިޔަރު ހަމަލާދީގެން ފަތުރުވެރިންނަށް އެކިވަރުގެ ޒަހަމްތައް ލިބިފައި އެބަހުއްޓެވެ.
ސިފައިންގެ މޫދު ތަމްރީނެއްގައި އުޅެނިކޮށް، މިޔަރެއް ހަމަލާދިނުމުގެ ސަބަބުން 2024 ވަނަ އަހަރު ދިވެހި ސިފައިންގެ މީހަކު ވެސް ވަނީ މަރުވެފަ އެވެ.