ނ. ޅޮހީއަށް ދިމާވެފައިވާ ކަރަންޓްގެ މައްސަލައަށް ހައްލެއް ނުލިބި ގިނަ ދުވަސްތަކެއްވެ ރައްޔިތުންނަށް މާލީ ގޮތުން ގެއްލުންތަކެއް ލިބެން ފެށުމުން އެރަށުގެ ރައްޔިތުންގެ ބަޔަކު އިހްތިޖާޖު ކުރަން ފަށައިފި އެވެ.
ވީނިއުސްއަށް މައުލޫމާތު ދެއްވަމުން ޅޮހީ ކައުންސިލް ރައީސް އަބްދުﷲ ސާލިމް ވިދާޅުވީ ޅޮހީ ރައްޔިތުން މިއަދު އިހްތިޖާޖު ކުރަން ފެށީ މިދިޔަ ހުކުރު ދުވަހުން ފެށިގެން އެރަށަށް އެކަށީގެންވާ ގޮތަކަށް ކަރަންޓް ލިބެމުންދާ ނުދާތީ ކަމަށެވެ. ރަށުން ކަރަންޓް ކެނޑޭތީ ގޭގޭގައި ބޭނުންކުރާ އަގުބޮޑު އިލެކްޓްރިކް ސާމާނުތައް ހަލާކުވެ، ފިނިކުރަން ބަހައްޓާފައި ހުރި މަހާއި ތަރުކާރީ ފަދަ ތަކެތި ހަލާކުވެ އެތައް ބަޔަކަށް ބޮޑެތި ގެއްލުންތަކެއް ވަމުންދާ ކަމަށެވެ.