ރާއްޖޭގެ ތަޢުލީމީ ދާއިރާގައި ދިމާވެފައިވާ މައްސަލަތައް ހައްލު ކުރުމަށް ‏‏މަސައްކަތް ކުރާ ބައެއް ފަރާތްތަކާ ރައީސުލްޖުމްހޫރިއްޔާގެ ނައިބު ޑރ. ‏‏މުޙަންމަދު ޖަމީލް އަޙްމަދު ބައްދަލުކުރައްވައިފި އެވެ. ‏
މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައި ބޭއްވެވި ‏‏ބައްދަލުކުރެއްވުމުގައި، ރާއްޖޭގެ ތަޢުލީމީ ދާއިރާއަށް ކުރިމަތިވެފައިވާ ގޮންޖެހުންތަކާ ‏‏ގުޅޭގޮތުން އެ ބޭފުޅުން ރައީސުލްޖުމްހޫރިއްޔާގެ ނައިބާ މަޝްވަރާ ކުރެއްވިއެވެ. އަދި ތަޢުލީމީ ‏‏ދާއިރާގެ ސިޔާސަތުތައް ތަންފީޒު ކުރެއްވުމާ ގުޅޭގޮތުން އެބޭފުޅުންގެ ޚިޔާލުފުޅު، ‏‏ރައީސުލްޖުމްހޫރިއްޔާގެ ނައިބު ހޯއްދެވި އެވެ. ‏