ރާއްޖޭގެ ކޮންމެ ރަށެއްގައިވެސް ހުނަރުވެރިން ދިރިއުޅެއެވެ. ހަމަ އެގޮތަށް، ކޮންމެ ގޭބިސީއެއްގައިވެސް އަދި ވިޔަފާރިއެއްގައިވެސް ރަނގަޅު މީހަކު ބޭނުންވާ މަސައްކަތްތައް އެބަހުއްޓެވެ. މިހާތަނަށް އައިއިރު މިފަދަ މަސައްކަތްތަކަށް މީހުން ހޯދަނީ 'އަމިއްލަ ނެޓްވޯކެއް' މެދުވެރިކޮށެވެ. ނުވަތަ ދަންނަ ދެކެ ފަރިތަ ވަކި ބަޔަކަށް ބަރޯސާވެގެންނެވެ. ރާއްޖެއަކީ ކުދި މަސައްކަތްތަކަށް ނުރަސްމީ ބާޒާރެއް އޮންނަ ގައުމެކެވެ. ނަތީޖާއެެއްގެ ގޮތުން ބައެއް މަސައްކަތްތައް ކުރުމަށް ހުނަރު ހުރި މީހުން ނުލިބި ވަގުތާއި ފައިސާ ބޭކާރުވާ ފަހަރުވެސް އާދެއެވެ. އެ ނިޒާމުގެ ސަބަބުން ކަސްޓަމަރުންނަށް، އިތުބާރުކުރަންވީ ކާކަށް ކަމެއް ޔަގީންކުރަން ދަތިވެއެވެ. މި ގޮންޖެހުންތައް ނައްތާލުމަށް ޓާސްކިން އެޕް އުފެއްދުމުގެ މަސައްކަތް ފެށިގެން އައެވެ. ޓާސްކިންގެ ފައުންޑަރުންގެ މެދުގައި މި ހިރާސްތައް ނައްތާލުމަށް އެޕެއް އުފެދުމުގެ ޚިޔާލު އުފެދުނީ 2020 ވަނަ އަހަރެވެ. އެއީ ކޮވިޑްގެ އާލަމީ ވަބާގެ ދުވަސްވަރެވެ. އެއީ އެންމެ ގިނަ ދިވެހީން މަސައްކަތެއް ނެތި އުޅެން ޖެހުނު ދުވަސްވަރެވެ. އެ ހިސާބުން އެކި ދިރާސާތަކާއި އެކި ބުރަ މަސައްކަތުން ޓާސްކިން އެޕް އީޖާދުކުރުމުގެ މަސައްކަތް ފެށިއެވެ. މަސައްކަތް ބޭނުންވާ މީހުންނާއި މަސައްކަތް ކުރުވަން ބޭނުންވާ މީހުން، އެއްތަނަކުން ގުޅުވައިދޭ މި އެޕް ލޯންޗްކުރީ މި އަހަރު ތެރޭގައެވެ. ޓާސްކިންގެ އަމާޒަކީ ދިވެހިންގެ ވަޒީފާގެ ބާޒާރަށް އައު އިންގިލާބަކަށް ވުމެވެ. ޓާސްކިން އިން ޚާއްސަ އިސްކަމެއް ދެނީ ދިވެހި މަސައްކަތްތެރިންނަށްވެސް ރަނގަޅު ފުރުސަތުތައް ހޯދައިދިނުމަށެވެ. މި އެޕްގައި "ޓާސްކާ"އަކަށް ވެވޭނީ ދިވެހިންނަށް އެކަންޏެވެ. އެކަމަކު ދިވެހި ވިޔަފާރިތައް މެދުވެރިކޮށް ބިދޭސީ މަސައްކަތްތެރިންނަށް ވެސް ޓާސްކިން އެޕް ބޭނުންކުރެވޭނެއެވެ. ޓާސްކިން އިން ބޭނުންވަނީ މަތީ ތައުލީމީ ސެޓްފިކެޓްތައް ނެތް މީހުންނާއި ތައުލީމީ ފެންވަރު މަތި މީހުންނަށްވެސް ޝާމިލުވެވޭނެ ވަޒީފާގެ ބާޒާރެއް އުފެއްދުމަށެވެ. ރާއްޖޭގެ ހުރިހާ ރަށްރަށަށް ހުޅުވާލާފައިވާ މި އެޕު މެދުވެރިކޮޮށް ފަތުރުވެރިންނަށް ވެސް ރަށުގެ މީހުންގެ ފަރާތުން ޚިދުމަތް ހޯދޭނެ ގޮތަށް އިންތިޒާމްކޮށްފައިވެއެވެ. ވައިޓް ކޮލާ މަސައްކަތްތެރިންނާއި ލޭބަރުން ހޯދުމަށް ރާއްޖޭގެ ކުންފުނިތަކުން އެތަކެއް ވަގުތާއި ޚަރަދު ކުރުމަށް މަޖުބޫރުވެއެވެ. އެޑްމިނިސްޓްރޭޓިވް އަދި ޓެކްނިކަލް ޚިދުމަތްތައް ފޯރުކޮށްދޭ މީހުންނަށް މި އެޕްގެ ޒަރީޔާއިން އެމީހުންނަށް ކަމުދާ ވިޔަފާރިތަކާ ބައްދަލުކުރުމުގެ ފުރުސަތު ލިބޭނެއެވެ. މިއީ ފްރީލާންސްކޮށް މަސައްކަތްކުރާ ޓާސްކަރުންނަށް، އެ މީހުންގެ ހުނަރު ދައްކާލުމާއި، ޚިދުމަތްތައް ލިސްޓްކުރުމާއި، އަގު ރޭޓް ކަނޑައެޅުމަށް ހުރި ރަނުގެ ފުރުސަތެކެވެ. އަދި ރިވިއުތަކާއި ޕޯޓްފޯލިއޯތަކުގެ ތެރެއިން މަސައްކަތަށް އިތުބާރު ކުރެވޭކަމުގެ ހަގީގީ ހެއްކެއް ފްރީލާންސް ޓާސްކަރުންނަށް މި އެޕް މެދުވެރިކޮށް ބިނާކުރެވޭނެއެވެ. އަދި މިއީ ކަސްޓަމަރުންނަށް ވެރިފައިޑް މަސައްކަތްތެރިން ހޯދުމާއި، އޮފާތައް އަޅާކިޔުމަށް ހުޅުވާލާ މަންސައެކެވެ. ޓާސްކިން އެޕްއިން ފޯރުކޮށްދެނީ ކޯޗެއް؟ * ސާވިސް ލިސްޓިންގްސް:- ޓާސްކަރުންނަށް އެމީހުންގެ ޓާސްކިން ޕްރޮފައިލް އުފައްދައި، އަގުތަކާއި، މަސައްކަތު ހުނަރާއި، ޕޯޓްފޯލިއޯ ނުވަތަ ކުރީގެ މަސައްކަތްތައް ހިމެނޭ ސޯޝަލް މީޑިއާ ލިންކް، މި އެޕުން ދައްކާލެވޭނެއެވެ. އެގޮތުން މިހާރުވެސް ޓާސްކިންގެ ވެބްސައިޓުން ފްރީލާންސާ ޕްރޮފައިލް ފުރިހަމަކުރީމަ، އެޕް ލޯންޗުކުރުމާއެކު ކަސްޓަމަރުންނަށް މަސައްކަތްކޮށްދެވޭނެއެވެ. * ކަސްޓަމް ޖޮބް ޕޯސްޓްސް:- ކަސްޓަމަރުންނަށް ބޭނުންވާ ކަންކަން ކިޔައިދިނުމުގެ ފުރުސަތު ޓާސްކިންއިން ފަހިކޮށްދެއެވެ. އަދި ހާމަކަން ބޮޑު ގޮތެއްގައި ދެފަރާތަށް ވާހަކަ ދެއްކުމުގެ ފުރުސަތު ލިބިގެންދެއެވެ. މި އެޕް ބޭނުންކުރާ ކަސްޓަމަރުންނަށް ޚާއްސަ ބިޑިން ސިސްޓަމެއް ފަރުމާކޮށްފައިވެއެވެ. މި ފީޗާ މެދުވެރިކޮށް ޓާސްކަރުންނަށް ކަސްޓަމަރުން ހުޅުވައިލާ މަސައްކަތަކަށް އެމީހަކު ބޭނުންވާ ބަޖެޓަކަށް ބިޑްކޮށްލެވޭނެއެވެ. * ޕްރޮޖެކްޓް ޓްރެކިން:- ތަފާތު ގިނަ އެތައް މަސައްކަތެއް ހިމެނޭ ކަންކަމަށް ފުލް ޕްރޮޖެކްޓު އުފެއްދޭނެއެވެ. އަދި މިގޮތަށް އުފައްދާ ޕްރޮޖެކްޓެއްގެ ދަށުގައި ހިމެނޭ އެކި މަސައްކަތް އެކި ޓާސްކަރުންނަށް ހަވާލުކޮށް މުޅި ޕްރޮޖެކްޓު ފަސޭހަކަމާއެކު އެއްތަނަކުން މެނޭޖްކޮށްލުމުގެ ފުރުސަތު، ކަސްޓަމަރުންނަށް ލިބިގެންދާނެއެވެ. އަދި އެޕް މެދުވެރިކޮށް ބޭނުންވާ ޓާސްކަރަކަށް ޕްރޮޖެކްޓު ހަވާލުކުރެވޭނެއެވެ. އޭރުން އާންމުކޮށް ހަދާ ގޮތަށް އެއް ޕްރޮޖެކްޓެއްގެ އެކި މަސައްކަތްކުރާ މީހުންނަށް ތަކުރާރުކޮށް މެސެޖްކުރުމުގެ ވަގުތު ކުޑަކޮށްދޭނެއެވެ. * ރިކަރަންޓް ވޯކް އޮޕްޝަންސް:- ހަފްތާއަކަށް ނުވަތަ މަހަކަށް ސާވިސް ޕެކޭޖުތައް ސެޓްކޮށް، ރަނގަޅު އާމްދަނީއެއް ލިބިގެންދާނެއެވެ. * ވެރިފިކޭޝަން:- އައިޑެންޓިޓީ ޗެކްކުރުމާއި، ތަޖުރިބާ ސައްހަކުރުމާއި، ރިވިއުކުރުމާއި، އަވަސް މުއްދަތެއްގައި މަސައްކަތަށް ނެގުމުގެ ފުރުސަތު މި އެޕްއިން ފަހިކޮށްދެއެވެ. ޓާސްކިން އިން ކަސްޓަމަރުން ބޭނުންވާ މަސައްކަތަށް އެކަށޭނަ މަސައްކަތްތެރިއެއް "ރެކްރޫ" ކުރުމުގެ އިޚްތިޔާރު ހުޅުވާލައެވެ. އޭރުން މީހަކު ހޯދަން އެދާ ވަގުތާ ވަސީލަތްތައް ސަލާމަތްވާނެއެވެ. * ކަސްޓަމަރުންނަށް މުޅިން ހިލޭ އެޕެއް:- ހަމަ އެއާއެކު، މި އެޕަށް ސަބްސްކްރައިބް ކުރާ ޓާސްކަރުގެ އެންމެ ފުރަތަމަ މަސައްކަތް މުޅިން ހިލޭ ވާނެއެވެ. އަދި އަންނަ އަހަރުގެ ޖަނަވަރީގެ ކުރިން މި އެޕްލިކޭޝަނަށް ސައިން އަޕް ކުރާ ޓާސްކަރުންނަށް ފުރަތަމަ ތިން މަސައްކަތް ހިލޭ ލިބޭނެއެވެ. އަދި ވަޒީފާތައް ހޯދަން، ހިލޭ އެޕް ބްރައުޒްކުރެވޭނެއެވެ. އެކަމަކު މަސައްކަތް ނަގާނަމަ ނުވަަތަ ބިޑް ކުރާނަމަ ފުރަތަމަ މަސައްކަތަށްފަހު އެޕަށް ސަބްސްކްރައިބް ކުރަން ޖެހޭނެއެވެ. * ރާއްޖޭގެ އެކި ކަންކޮޅުތަކުގައި މަސައްކަތް ބޭނުންވާ އަދި މަސައްކަތް ދޫކުރާ ފަރާތްތަކަށް މި ފްލެޓްފޯމަށް ވަދެވޭނެއެވެ. * އެސިސްޓެޑް އެކައުންޓު:- ވިޔަފާރިއަށް ހުނަރުވެރި ނަމަވެސް ޑިޖިޓަލް ނޭވިގޭޝަނަށް ހުނަރުވެރި ނޫން މީހުން ކަމަށްވާ އުމުރުން ދުވަސްވީ މީހުންނާއި ޚާއްސަ އެހީއަށް ބޭނުންވާ މީހުންނަށް ޚާއްސަކޮށް ޓާސްކިން އިން މި ފީޗާ ފަރުމާކޮށްފައިވެއެވެ. އަދި ބިޒީ މީހުންނަށްވެސް މި އެކައުންޓުން އެހީތެރިވާނެއެވެ. މި އެކައުންޓުން މެސެޖުކުރުމާ މަސައްކަތް ގަބޫލުކުރުމާ ނެގޯޝިއޭޓް ކުރުމުގެ މަސައްކަތްތައް ކޮށްދޭނެއެވެ. ވަކިވަކި ފަރުދުންނާއި ކުންފުނިތަކަށްވެސް މި އެކައުންޓަށް ސަބްސްކްރައިބް ކުރުމުގެ ފުރުސަތު އެބައޮތެވެ. އެންމެ ފަސޭހައިން އަތުޖެހޭ މީހެއްގެ ގޮތް ނޭނގޭ ޚިދުމަތް ހޯދުމުގެ ބަދަލުގައި، ޚިދުމަތް ފޯރުކޮށްދޭ މީހުންގެ ހުނަރުތަކާއި، ރޭޓްތަކާއި، ޓައިމްލައިންތަކާއި، ހަގީގީ ޕޯޓްފޯލިއޯތައް އަޅާކިޔުމުގެ ފުރުސަތު ޓާސްކިން އިން ފަހިކޮށްދެއެވެ. ޓާސްކިންގެ ޓީމުން ބުނީ ވަަރަށް އަވަހަށް މި އެޕް ލޯންޗުކުރާ އިވެންޓު ބޭއްވުމަށް ތައްޔާރުވަމުންދާ ކަމަށެވެ. މި އެޕާ ބެހޭ އިތުރު މައުލޫމާތު ޓާސްކިންގެ އެފްއޭކިއު ޕޭޖް އަދި ސަބްސްކްރިޕްޝަން މޮޑެލްއިން ލިބެން ހުންނާނެއެވެ. އަދި ޓާސްކިންގެ ސޯޝަލް މީޑިއާ ޕޭޖްތައް ފޮލޯ ކޮށްގެންވެސް އިތުުރު މައުލޫމާތު ލިބެން ހުންނާނެއެވެ.