ޕްރޮސެކިއުޓާ ޖެނެރަލް އޮފީހުގެ ބައެއް އިސް މަގާމުތަކަށް ބޭފުޅުން މިއަދު އައްޔަންކުރައްވައިފި އެވެ. 
ވީ ކިހިނެއް؟ - ޕްރޮސެކިއުޓަ ޖެނެރަލް (ޕީޖީ) އައްބާސް ޝަރީފް، ޑެޕިއުޓީ ޕީޖީގެ މަގާމަށާއި، އެސިސްޓެންޓް ޕީޖީގެ މަގާމަށް އައްޔަންކުރެއްވީ ދައުލަތުގެ ވަކީލުންގެ ގޮތުގައި  މަސައްކަތްކުރައްވާ ދެ ވަކީލުންނެވެ.
ތަފްސީލް - އެގޮތުން އައްޔަންކުރެއްވި ބޭފުޅުންނަކީ:
ޑެޕިއުޓީ ޕީޖީގެ މަގާމަށް އައިޝަތު މުހައްމަދު
2011 ވަނަ އަހަރުން ފެށިގެން ޕީޖީގައި މަސައްކަތްކުރައްވާ އައިޝަތު މުހައްމަދަކީ މިވަގުތު ޕީޖީ އޮފީހުގެ އެންމެ އިސް ވަކީލުންގެ ތެރޭގައި ހިމެނިވަޑައިގަންނަވާ އެއް ވަކީލު
އެސިސްޓެންޓް ޕްރޮސެކިއުޓާ ޖެނެރަލްގެ މަގާމަށް ވަކީލު ހުސެއިން ސާމީ؛ ސާމީ އަންނަނީ ޕީޖީގެ ވަކީލެއްގެ ގޮތުގައި 2018 ވަނަ އަހަރުން ފެށިގެން މަސައްކަތްކުރައްވަމުން
ފާހަގަކޮށްލެވޭ ކަމެއް - ޑެޕިއުޓީ ޕީޖީގެ މަގާމުގައި ކުރިން ހުންނެވި އަލީ ސަމީރު ވަނީ މިދިޔަ އޮކްޓޫބަރު އިސްތިއުފާ ދެއްވާފަ އެވެ. އޭނާ އިސްތިއުފާ ދެއްވުމުން އެމަގާމު ފުރުއްވަމުން ދިޔައީ މަހުމޫދު ސަލީމް އެވެ.
ޕީޖީ އޮފީހުން ބުނިގޮތުގައި ޑެޕިއުޓީ ޕިީޖީގެ މަގާމުގައި މިހާރު ވެސް މަސައްކަތްކުރައްވަމުން ގެންދަވާ މަހުމޫދު އެ މަގާމުގައި ދެމިހުންނަވައިގެން އަލަށް އެ މަގާމަށް އައްޔަންކުރެއްވި އައިޝަތު މުހައްމަދާ އެކު މަސައްކަތްކުރައްވާނެ އެވެ.