ދައުލަތް ހިންގުމަށް ކަނޑައަޅާފައިވާ ބަޖެޓުގެ ތެރެއިން އިލެކްޝަންސް ކޮމިޝަން (އީސީ) އަށް މިއަހަަރަށް ކަނޑައަލާފައިވާ ބަޖެޓް ހުސްވެ ހަރަދު މައްޗަށް ގޮސްފައިވާ ކަމަށް ފިނޭންސް މިނިސްޓްރީން އާންމުކުރި ތަފާސްހިސާބުން ދައްކައިފިއެވެ.
މިއަހަރުގެ ބަޖެޓުން އީސީއަށް 32.4 މިލިއަން ރުފިޔާ ކަނޑައަޅާފައިވާއިރު ފިނޭންސް މިނިސްޓްރީން އާންމުކުރި ތަފާސްހިސާބަށް ބަލާއިރު، މި މަހުގެ 10 ވަނަ ދުވަހާ ހަމައަށް އިލެކްޝަން ކޮމިޝަނުން ވަނީ ޖުމްލަ 35.9 މިލިއަން ރުފިޔާ ހަރަދުކޮށްފައެވެ.
މިދިޔަ އަހަރުގެ އެ މުއްދަތާ ހަމައަށް އީސީން 59.2 މިލިއަން ރުފިޔާ ހަރަދުކޮށްފައިވާއިރު މިދިޔަ އަހަރުގެ އެ މުއްދަތާ ހަމައަށް ބަލާއިރު އީސީން ކޮށްފައިވާ ހަރަދުތައް މަދުވެފައި ވީ ނަމަވެސް އީސީއަށް ކަނޑައަޅާފައިވާ ބަޖެޓް މި ވަނީ ހުސްވެ އިތުރަށް ހަރަދުކޮށްފައެވެ.