މި އަހަރުގެ ބައިނަލްއަގުވާމީ ވޭލް ޝާކު ދުވަސް ފާހަގަ ކުރުމުގެ ގޮތުން، ވޭލް ޝާކްއާ ގުޅޭ ލެކްޗާ ސެޝަނެއް ބާއްވަން ނިންމައިގި އެވެ.
ތިމާވެއްޓާ ބެހޭ މިނިސްޓްރީން އިންތިޒާމުކުރާ މި ލެކްޗާ އޮންނާނީ އަންނަ މަހުގެ 2 ވަނަ ދުވަހުގެ ހަވީރު 4:00 ގައި މާލެ ސީއެޗްއެސްސީ ހޯލުގަ އެވެ.
މި ލެކްޗަރަކީ، ރާއްޖޭގެ ކަނޑުފަޅު ރައްކާތެރިކުރުމަށް ކުރެވޭ މަސައްކަތްތަކުގެ ތެރެއިން މުހިންމު ފިޔަވަޅެއް ކަމަށް މިނިސްޓްރީން ބުންޏެވެ.
ލެކްޗާގެ މައިގަނޑު މަޤްޞަދަކީ، ވޭލް ޝާކު ދުވަހާ ގުޅުވައިގެން، މި މަސްތަކާ ބެހޭ އިތުރު މައުލޫމާތުތައް ޢާންމުންނަށް ފޯރުކޮށްދީ، މި މަސްތަކުގެ ޤުދުރަތީ ރީތިކަމާއި އެތަކެތި ރައްކާތެރި ކުރުމުގެ މުހިންމުކަމާ ދޭތެރޭ ވިސްނާލުމުގެ ފުރުސަތު ދިނުމެވެ. ދުނިޔޭގެ އެންމެ ބޮޑު މަސްކަމަށްވާ ވޭލް ޝާކުތަކަކީ ރާއްޖޭގެ ކަނޑުފަޅުން ގިނައިން ފެންނަ މަހަކަށްވާ އިރު، މި ބާވަތުގެ މަސް ހިމާޔަތް ކުރުމަކީ ރާއްޖޭގެ ތިމާވެށީގެ ނިޒާމަށް ވަރަށް މުހިންމު ކަމެކެވެ.
ލެކްޗާގެ ތެރެއިން، ވޭލް ޝާކުތަކާ ބެހޭ އެކި ދިރާސާތަކުން ހޯދާފައިވާ މައުލޫމާތާއި، އެ މަހަށް ކުރިމަތިވެފައިވާ ގޮންޖެހުންތަކާއި އެ ތަކެތި ރައްކާތެރިކުރުމަށް ކުރެވޭ މަސައްކަތްތަކާ ބެހޭ ގޮތުން ހޭލުންތެރިކަން އިތުރުކޮށްދޭނެ އެވެ. މީގެ އިތުރުން، ވޭލް ޝާކުތަކަށް އޮންނަ ލޯބި އިތުރުކޮށް، އެތަކެތި ހިމާޔަތްކުރުމަށް ކުރެވެމުންދާ މަސައްކަތްތަކަށް ސަޕޯޓް ދިނުމަށް އެޅޭނެ ފިޔަވަޅުތަކުގެ މައްޗަށް ވެސް އަލިއަޅުވައިލާނެ އެވެ.
މި ލެކްޗާ އަކީ ތިމާވެށީގެ ދާއިރާގައި މަސައްކަތްކުރާ ފަރާތްތަކާއި، ކަނޑުގެ ދިރުންތަކަށް ޝައުޤުވެރިވާ ޢާންމު ހުރިހާ ފަރާތްތަކަށް ހުޅުވާލެވިފައިވާ އިވެންޓެކެވެ.
ބައިނަލްއަގުވާމީ ވޭލް ޝާކު ދުވަުގެ ގޮތުގައި ފާހަގަ ކުރަނީ އޮގަސްޓް 30 އެވެ.