ހުޅުމާލެ ދެވަނަ ފިޔަވަހިން ކަރަންޓް ކެނޑެން ދިމާވި މައްސަލަ ހައްލުކޮށް، ހުރިހާ ސަރަހައްދަކަށް ސްޓެލްކޯއިން ކަރަންޓު ދީފި އެވެ.
ސްޓެލްކޯއިން ބުނީ، ފޭސް 2 އިން ކަރަންޓުގެ ހިދުމަތް މެދުކެނޑިފައިވަނީ ވިނަރެސް ފްލެޓްތަކާއި ދިމާލުން ކޮނުމުގެތެރޭ ޑިސްޓްރުބިއުޝަން މަައި ކޭބަލަކަށް ލިބުނު ގެއްލުމަކާއި ގުޅިގެން ކަމަށެވެ.
މިގޮތުން ސްޓެލްކޯއިން ވަނީ ވަގުތުން ކޭބަލް މަރާމާތު ކުރުމުގެ މަސައްކަތް ފަށައި، ފޭސް 2 ގެ ބޮޑު ސަރަހައްދަކަށް މާގިނައިރުތަކެއް ނުވަނީސް ކަރަންޓް ދީފައެވެ. އަދި އެކޭބަލާއި ގުޅިފައިވާ ހިޔާގެ ޓަވަރު 1 އިން 8 އަށް އަލުން ކަރަންޓް ދިނުމަށް ސްޓެލްކޯއިން ވަނީ ދޮޅުގަޑިއެއްހާއިރު ހޭދަކޮށްފަ އެވެ.