މާލެ-ވިލިމާލެ ގުޅުވާލާ ތިލަމާލެ ބްރިޖުގައި ދުނިޔޭގެ އެންމެ އުސް ޕްރީކާސްޓް ސެގްމަންޓް މިއަދު ބަހައްޓައިފި އެވެ.
އެކްސްގައި ކުރި ޕޯސްޓެއްގައި އިންޑިއާ ހައިކޮމިޝަނުން ބުނީ މިއީ އިންޖިނިއަރިންގެ ދާއިރާ އިން ހޯދުނު ބޮޑު ކާމިޔާބެއް ކަމަށާއި އަދި މިއީ ދުނިޔޭގެ އެންމެ އުސް ޕްރީކާސްޓް ކަމަށެވެ.
އެ ޕްރީކާސްޓް ގައި 8.2 މީޓަރުގެ އުސްމިން ހުންނައިރު، 25.3 މީޓަރުގެ ފުޅާމިން ހުންނަ ކަމަށް އެ ކޮމިޝަނުން ބުނެ އެވެ.
މި ބްރިޖަކީ މި ވަގުތު ރާއްޖޭގައި ކުރިއަށްދާ އެންމެ ބޮޑު މަޝްރޫއު އެވެ. ކުރީގެ ސަރުކާރުން ފެށި ތިލަމާލެ ބްރިޖަކީ އިންޑިއާގެ އެފްކޮންސް އިންފްރާސްޓްރަކްޗާ އިން ކުރިއަށް ގެންދާ މަޝްރޫއެކެވެ.
ތިމަލާމެ ބްރިޖްގެ މަސައްކަތް ކުރިއަށްދާ ގޮތާ ގުޅޭ ގޮތުން މިނިސްޓްރީން ބުނީ މި މަހުގެ 15 އާ ހަމައަށް އެ ބްރިޖްގެ 52.44 ޕަސެންޓް ނިމިފައިވާކަމަށެވެ. އަދި މިހާރު ކުރިއަށް ދަނީ ޕައިލް ކެޕުން އާއި ޕިއާ ކޮލަމްސް އެޅުމުގެ މަސައްކަތާއިދި ސުޕަ ސްޓްރަކްޗާ ސެގްމެންޓްސް ލޯންޗް ކުރުމުގެ މަސައްކަތް ކަމަށް މިނިސްޓްރީން ބުންޏެވެ.
މި ބްރިޖް ނިންމައި ސަރުކާރާ ހަވާލުކުރުމަށް މިހާރު ނިންމާފައި އޮތީ އަންނަ އަހަރުގެ ސެޕްޓެމްބަރުގެ ނިޔަލަށެވެ.
ޖުމްލަ 6.7 ކިލޯމީޓަރުގެ ތިލަމާލެ ބްރިޖަށް މިހާތަނަށް 251.5 މިލިއަން ރުފިޔާ ހޭދަވެފައިވެ އެވެ.