ބުދަ ދުވަހުގެ ރޭ ދަންވަރު އަލިފާން ރޯވެ، އަނދައި އަޑިއަށް ދިޔަ 'ހޮޅުދޫ ބޯޓު'ން ގެއްލުނު ލ. މާވަށު އަލީ މުޝްފިގު، 25، އަދިވެސް ނުފެންނަ ކަމަށް އެމްއެންޑީއެފްއިން މިރޭ ބުނެފި އެވެ.
ވީ ކިހިނެއް؟ - 'ހޮޅުދޫ ބޯޓު'ގައި ރޯވީ ތ. ހިރިލަންދޫން ފުރައިގެން މާލެ ދަތުރުކުރަމުން ދަނިކޮށް ބުދަ ދުވަހުގެ ރޭ 9:07 ހާއިރު އެވެ.
އެމްއެންޑީއެފުން އިއްޔެ ބުނީ 'ހޮޅުދޫ ބޯޓު' ދަންވަރު 2:07 އެހާކަށްހާއިރު އެ ސަރަހައްދަށް އަޑިއަށް ގޮސްފައިވާ ކަމަށެވެ.
އޭރު ބޯޓުން ދަތުރުކުރަމުން ދިޔަ 11 ދިވެހިންނާއި ހަތް ބިދޭސީންގެ ތެރެއިން ގެއްލުނީ މުޝްފިގު އެކަންޏެވެ.
ތަފްސީލު - މުޝްފިގު ގެއްލުމާ އެކު އެމްއެންޑީއެފް ކޯސްޓުގާޑުން ފެށި ސާޗު އޮޕަރޭޝަންގެ އެންމެ ފަހުގެ މައުލޫމާތު ދެމުން އެމްއެންޑިއެފްއިން ބުނިގޮތުގައި މިދިޔަ 24 ގަޑިއިރުގެ ތެރޭގައި:
ސާފަސް ސާޗުގެ ގޮތުގައި 92.42 އަކަ ނޯޓިކަލް މޭލު ވަނީ ބަލާފައި
ޑައިވްކޮށްގެން 65،100 އަކަ މީޓަރު ވަނީ ބަލާފައި
އެމްއެންޑީއެފްއިން އަދިވެސް އަންނަނީ މުޝްފިގު ފެނޭތޯ ބެލުމުގެ މަސައްކަތް ކުރަމުންނެވެ.