ވެލަނާ އިންޓަނޭޝަނަލް އެއާޕޯޓުގައި ޑިއުޓީގައި ހުރި މީހަކު މިއަދު ނިޔާވެއްޖެއެވެ. މިކަން މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)އިން ވަނީ "ސަން"އަށް ކަށަވަރު ކޮށްދެއްވާފައެވެ. ނަމަވެސް މިކަމާ ގުޅޭ އިތުރު މައުލޫމާތެއް އަދި ހިއްސާކޮށްފައެއް ނުވެއެވެ. ނިޔާވެފައި ވަނީ އުމުރުން 42 އަހަރުގެ ހާޝިމް ހަސަންއެވެ. ހާޝިމް ނިޔާވުމާ ގުޅިގެން އެމްއޭސީއެލްއިން ވަނީ ތައުޒިޔާގެ މެސެޖެއް ސޯޝަލް މީޑިއާގައި ހިއްސާކޮށްފައެވެ.