"މިހާރު ފަޒުލް ހުންނަންވާނީ ދޫވެފައެއް ނޫން. މިހާރު ވޮރެންޓެއްގެ ދަށުން އޭނަ ހުންނަންވާނީ ހައްޔަރުކުރެވިފަ. އޭނަ އަމިއްލައަށް އިސްތިއުފާ ދިނުމަކުން އޭނަ މިކަމުން އެކްޒޮންރޭޓެއް [ތުހުމަތުން ބަރީއަ] އެއް ނުވޭ މިކަމުން،" ޔާމީން ވިދާޅުވި އެވެ.
ކޮރަޕްޝަނުގެ ބޮޑެތި ތުހުމަތުތަކެއް ކޮށްފައިވާ ހައުސިން ޑިވެލޮޕްމެންޓު ކޯޕަރޭޝަން (އެޗްޑީސީ)ގެ ކުރީގެ މެނޭޖިން ޑިރެކްޓަރު، އިބްރާހީމް ފަޒުލް ރަޝީދު ހައްޔަރު ނުކުރާތީ ކުރީގެ ރައީސް އަބްދުﷲ ޔާމީން ސުވާލު އުފައްދަވައިފި އެވެ.
"ބިންވެރިޔާ" ސްކީމްގެ ދަށުން ދޫކުރަން ހުރި ބިންތަކެއް އަމިއްލަ ފަރާތްތަކަކަށް ވިއްކިކަމުގެ ބޮޑެތި ތުހުމަތުތަކެއް އަމާޒުވެފައި ވަނިކޮށް ފަޒުލް އިސްތިއުފާ ދެއްވާފައި ވަނީ މިދިޔަ ހޮނިހިރު ދުވަހުގެ ރެއެވެ. އޭނާ އިސްތިއުފާ ދެއްވީ އޭނާގެ އިތުރުން ބޯޑު މެންބަރުން ސަސްޕެންޑް ކޮށްފައި ވަނިކޮށެވެ.މި މައްސަލައިގެ ޖިނާއީ ތަހުގީގު ހިންގާއިރު، އެ ތަހުގީގާމެދު ރައީސް ޔާމީން ރޭ ވަނީ ވަރަށް ގިނަ ސުވާލުތަކެއް އުފައްދާފަ އެވެ. ޕީއެންއެފްގެ ޖަލްސާގައި ވާހަކަދައްކަވަމުން އެމަނިކުފާނު އައްސަވާފައި ވަނީ ކޯޓު އަމުރެއްގެ ދަށުން ފަޒުލް ހިމެނޭހެން ބައެއްގެ ޕާސްޕޯޓް ހިފަހައްޓާފައިވާއިރު، އެމީހުންގެ މުއާސަލާތީ ސާމާނު ފުލުހުންގެ ބޭނުމަށް ނަގާފައި ނުވަނީ ކީއްވެގެންތޯ އެވެ.އެމަނިކުފާނު ތުހުމަތު ކުރެއްވީ ފުލުހުން ހެކި ނައްތާލުމުގެ ފުރުސަތު ދީފައިވާ ކަމަށެވެ. ޖިނާއީ ތަހުގީގެއް ހިންގާނަމަ ފޮރެންސިލް ތަހުލީލުތައް ހެދުމަށް ފޯނުތަކާއި ލެޕްޓޮޕްތަކާއި އަދި އެނޫންވެސް މުއާސަލާތީ ސާމާނު ނަގާނެ ކަމަށް ޔާމީން ވިދާޅުވި އެވެ."މިއޮއް ބޮޑު މައްސަލަ ބަލާއިރު ހެކި ނައްތާލުމުގެ ފުރުސަތު ނޫންތޯ އެދެވެނީ، ސީރިއަސް ކަމެއް ނެތެއްނޫންތޯ މިކަމަށް، އެއްވެސް ސީރިއަސް ކަމެއް ނެތް. ފުލުހުންގެ ސީރިއަސް ކަމެށް އޮތީ ކަމަށްވަންޏާ އެމީހުން ރަށުން ފުރިއަ ނުދިނުން އެއީ އެއްކަމެއް. އެކަން އެއޮތީ ކޮށްފަ އެކަމަކު ކީއްވެގެންހޭ އެމީހުންގެ ފޯނާ ލެޕްޓޮޕާ ދެން ވެސް ހުރި މުވާސަލާތީ ސާމާނު ކޯޓު އަމުރެއްގެ ދަށުން ނަގާ ސީޒް ނުކުރަނީ ކީއްވެގެންހޭ؟" ޔާމީން އެއްސެވި އެވެ.
ފުލުހުންގެ ތަހުގީގު ރީސިއަސް ނޫންކަމަށް ޔާމީން ތުހުމަތު ކުރެއްވި އަނެއް ސަބަބަކީ ކޮރަޕްޝަންގެ ބޮޑެތި ތުހުމަތުތަކެއް ކުރާއިރު ފަޒުލް ހައްޔަރު ނުކުރާތީ އެވެ. އެމަނިކުފާނު ވިދާޅުވީ އެ ބިންތައް ވިއްކައިގެން 500 މިލިއަނެއްހާ ރުފިޔާ ހޯދާފައިވާ ކަމުގެ މައުލޫމާތު ލިބިވަޑައިގެންފައިވާ ކަމަށެވެ."މިހާރު ފަޒުލް ހުންނަންވާނީ ދޫވެފައެއް ނޫން. މިހާރު ވޮރެންޓެއްގެ ދަށުން އޭނަ ހުންނަންވާނީ ހައްޔަރުކުރެވިފަ. އޭނަ އަމިއްލައަށް އިސްތިއުފާ ދިނުމަކުން އޭނަ މިކަމުން އެކްޒޮންރޭޓެއް [ތުހުމަތުން ބަރީއަ] އެއް ނުވޭ މިކަމުން،" ޔާމީން ވިދާޅުވި އެވެ.ޔާމީން އިތުރަށް ވިދާޅުވެފައި ވަނީ މިއީ ކާކު އަންގައިގެން ފަޒުލް ކުރެއްވި ކަމެއްތޯ ވެސް ބަލަންޖެހޭނެ ކަމަށެވެ. މިއީ ސަރުކާރުގެ އިސްވެރިންނަށް ނޭންގި ކުރި ކަމެއް ނޫން ކަމަށް ވެސް ވިދާޅުވި އެވެ. އަދި އެޗްޑީސީގެ އޭރުގެ ޗެއާޕާސަން އަހުމަދު ޒުހޫރު ފޮނުއްވި ސިޓީ ރައީސް ޑރ. މުހައްމަދު މުއިއްޒާ ހަމައަށް ނުދާކަމަށް ވިދާޅުވި ވިދާޅުވުމާމެދު ވެސް ސުވާލު އުފައްދަވާފައިވެ އެވެ."ރައީސް އޮފީހަށް ޒުހޫރު، ވަޒީރެއްގެ ފެންވަރުގަ ހުންނެވި ބޭފުޅެއް ސިޓީއެއް ފޮނުވީމަ ރައީސްއާ ހަމައަށް ސިޓީ ނުގޮހެއް ނުހުންނާނެ. އެއީ ރަގަޅު ވާހަކަ އެއް ނޫން [ރައީސް] އެ ދެއްކެވީ،" ޔާމީން ވިދާޅުވި އެވެ.ޔާމީން އެހެން ވިދާޅުވިޔަސް، ރައީސް އިއްޔެ ވިދާޅުވެފައި ވަނީ އެ ސިޓީ ލިބިވަޑައިގެންފައި ނުވާ ކަމަށެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ