މާލީ ދާއިރާގެ ހާއްސަ ކޯސްތަކެއް ގައުމީ ޔުނިވަސިޓީއާ ގުޅިގެން އަންނަ އަހަރު ފަށަން ނިންމާފައިވާ ކަމަށް އެންޓި ކޮރަޕްޝަން ކޮމިޝަން (އޭސީސީ) ގެ ރައީސް ހަސަން ލުތުފީ މިއަދު ވިދާޅުވެއްޖެ އެވެ. ހިތަދޫގައި ގާއިމުކުރި އޭސީސީ އާއި އޮޑިޓް އޮފީހުގެ ސަރަހައްދީ އޮފީސް ހުޅުވުމުގެ ރަސްމިއްޔާތުގައި ލުތުފީ ވިދާޅުވީ، ހާއްސަ ކޯސްތަކެއް ޑިޒައިންކޮށް، ހިންގުމަށް މިހާރު ޔުނިވަސިޓީއާ ވާހަކަ ދައްކާފައިވާ ކަމަށެވެ. އެއީ މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ގަބޫލްކުރާ ފެންވަރުގެ ކޯސްތަކަށް ވާނެ ކަމަށް ވެސް އޭނާ ވިދާޅުވި އެވެ. މި ކޯސްތައް ފެށިގެން ދިޔައިމަ ދައުލަތުގެ އިދާރާތަކުގެ މާލީ ހިސާބުތައް ބަލަހައްޓާ ހުރިހާ މުވައްޒަފުންނަކީ މި ދެންނެވި ސެޓްފިކެޓް ހާސިލްކޮށްފައިވާ މުވައްޒަފުންނަށް ވެގެން ދާނެ،--ލުތުފީ ލުތުފީ ވިދާޅުވި ގޮތުގައި، ޔުނިވަސިޓީއާ ގުޅިގެން ހިންގާނީ ސެޓްފިކެޓް، ޑިޕްލޮމާ އަދި އެޑްވާންސް ޑިޕްލޮމާ ކޯހެކެވެ. "އެ ކޯސްތައް ކުރިއަށް ގެންދިއުމަށް ވާން ޖެހޭ ހުރިހާ ތައްޔާރީތަކެއް އޭސީސީން މިހާރު އޮތީ ވެ ނިންމާފައި. އަޅުގަނޑު ގަބޫލްކުރަނީ މި ކޯސްތައް ފެށިގެން ދިޔައީމާ، ދައުލަތުގެ އިދާރާތަކުގެ މާލީ ހިސާބުތައް ބަލަހައްޓާ ހުރިހާ މުވައްޒަފުންނަކީ، މި ދެންނެވި ސެޓްފިކެޓް ހާސިލްކޮށްފައިވާ މުވައްޒަފުންނަށް ވެގެން ދާނެ،" މިއަދަކީ އޭސީސީގެ 68 ވަނަ އަހަރީ ދުވަސް ވެސް ކަން ފާހަގަ ކުރައްވަމުން ލުތުފީ ވިދާޅުވި އެވެެ.