ޖުޑީޝަލް ސާވިސް ކޮމިޝަނުގެ މެމްބަރުކަމަށް ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހްމަދު ފާރިސް މައުމޫން އައްޔަނުކޮށްފިއެވެ.
ރައީސް އޮފީހުގައި މިކަމަށްޓާކައި މިއަދު ބޭއްވި ރަސްމިއްޔާތެއްގައި، ފާރިސް ވަނީ ޖޭއެސްސީގެ މެމްބަރުކަމުގެ ހުވާ ކުރައްވާފައެވެ.
ފާރިސް ޖޭއެސްސީއަށް އައްޔަން ކުރައްވާފައި ވަނީ ގާނޫނު އަސާސީގެ 158 ވަނަ މާއްދާގެ (ބ)ގައިވާ ގޮތުގެ މަތިން، އެ ކޮމިޝަނުގައި ހުންނަވާ ރައްޔިތުންގެ މަޖިލީހުން ކަނޑައަޅާ މެމްބަރުގެ ހައިސިއްޔަތުންނެވެ.
ޖޭއެސްސީއަށް ފާރިސް އައްޔަންކުރަން ފާސްކުރީ 67 މެމްބަރުން ވޯޓާއެކުއެވެ. އަދި ވަކި ގޮތަކަށް ވޯޓު ނުދެއްވާ އެއް މެމްބަރަކު އިންނެވިއެވެ.