ވެލާނާ އިންޓަނޭޝަލް އެއާޕޯޓު(ވީއައިއޭ)ގެ އާ ޓާމިނަލް ހުޅުވުމުގެ ރަސްމިއްޔާތު ބޮޑު ސްކްރީނުން ބެލުމަށްޓަކައި މާލެ، ހުޅުމާލެ އާއި ވިލިމާލެ އަދި އައްޑޫގައި ޖުމްލަ އަށް ތަނެއްގައި އިންތިޒާމް ހަމަޖައްސާފައިވާ ކަމަށް އެމްއޭސީއެލްއިން މިއަދު ބުނެފި އެވެ.
ވީ ކިހިނެއް؟ - ނުވަ އަހަރުގެ އިންތިޒާރަކަށް ފަހު، ވީއައިއޭގެ އާ ޓާމިނަލް މިރޭ ހުޅުވާއިރު އެމްއޭސީއެލްއިން ދަނީ ކުލަ ގަދަ ރަސްމިއްޔާތަކަށް ތައްޔާރުވަމުންނެވެ.
ބުނީ ކީކޭ؟ - އެމްއޭސީއެލްއިން ބުނީ އެ އަށް ތަނުގައި މި ތާރީހީ ރަސްމިއްޔާތު ބެލުމަށް އާންމުންނަށް ދައުވަތު އަރުވާ ކަމަށެވެ.
އެގޮތުން:
މާލެއިން: އާޓިފިޝަލް ބީޗް، ރާޅުގަނޑު ބްރިޖުވިއު ޕްލެޓްފޯމު، ލޮނުޒިޔާރަތް ޕާކް ބީޗް ސަރަހައްދު އަދި ރަސްފަންނު
ހުޅުމާލެ: ސެންޓްރަލް ޕާކް އަދި ފޭސް2 ހިޔާ ޕާކް
ވިލިމާލެ: ފެރީ ޓާމިނަލް
އައްޑޫ: ފޭދޫ ބަނދަރުމަތި
ފާޙަގަކޮށްލެވޭ ކަމެއް - މިރޭގެ ރަސްމިއްޔާތު ކުލަގަދަކުރުމަށްޓަކައި މާލެ ސަރަހައްދު ވަށައިގެން ކަނޑުގެ 16 ތަނެއްގައި 6 މިނެޓަށް ހަވާ އެރުވުމަށް ހަމަޖެހިފައިވެ އެވެ. އަދި އޭގެ އިތުރުން، 1،000 ޑްރޯން ހިމެނޭ ޑޮރޯން ޝޯއެއް ވެސް ދިނުމަށް ހަމަޖެހިފައިވެ އެވެ.