އެފް.އޭ ކަޕް ފުޓުބޯޅަ މުބާރާތުގެ ޗެމްޕިއަންކަން ވިކްޓަރީ ދެންމެ ހޯދައިފި އެވެ. ނިއުއާ ވާދަކޮށް ވިކްޓަރީ ކާމިޔާބު ހޯދީ 2- 1 އިންނެވެ. މެޗުގެ ފުރަތަމަ ލަނޑު ވިކްޓަރީގެ ހުސެން ނިޔާޒް ޖަހާފައިވަނިކޮށް ނިއު އަށް އެއްވަރުކޮށް ދިނީ އަހުމަދު ތޯރިގް (ޓޮމް) އެވެ. ވިކްޓަރީ މޮޅުވި ލަނޑު ޖަހައިދިނީ ފަހު ހާފުގައި، ޑިފެންޑަރު މުހައްމަދު ޖަމީލެވެ.
2251 މެޗު ނިމިއްޖެ. ކޮކާކޯލަ އެފްއޭ ކަޕް ވިކްޓަރީ އަށް
2245 މެޗުގެ ފުރިހަމަ ވަގުތު ހަމަވެއްޖެ. މިހާރު ކުރިއަށްދަނީ އިތުރު ވަގުތުގެ ގޮތުގައި ދެއްކި ފަަސް މިނިޓުގެ ކުޅުން
2241 ނިއުގެ ފުރަތަމަ ބަދަލު. ފައުޒާންގެ ބަދަލުގައި ނަވާއު މެޗުގެ 85 ވަނަ މިނިޓުގައި ކުޅެން ނުކުމެއްޖެ
2237 ވިކްޓަރީގެ ޖަމީލް އެ ޓީމުގެ ދެވަނަ ލަނޑު ކާމިޔާބުކޮށްފި. މެޗުގެ 82 ވަނަ މިނިޓުގައި ވިކްޓަރީ އަށް ލިބުނު ކޯނަރަކުން ވިކްޓަރީގެ ޑިފެންޑަރު ޖަމީލް ލަނޑު ޖަހައި ވިކްޓަރީ އަށް ދެވަނަ ފަހަރަށް ކުރި ހޯދައިދީފި
2236 ވިކްޓަރީގެ ތިން ވަނަ ބަދަލު. މެޗުގެ 80 ވަނަ މިނިޓުގައި ސެމުއެލްގެ ބަދަލުގައި އާޒިމް ހުސެއިން (އޭންޑީ) ކުޅެން އަރައިފި
2233 އައްމަޑޭ ޖެހި ޕެނަލްޓީ ފައިސަލް ދިފާއުކޮށްފި
2232 ނިއު އަށް ޕެނަލްޓީއެއް. މެޗުގެ 76 ވަނަ މިނިޓުގައި ނިއު ޗާލްސް އަށް ވިކްޓަރީގެ ޕެނަލްޓީ އޭރިޔާ ތެރެއިން ކީޕަރު ފައިސަލް ކުރި ފައުލަކާ ގުޅިގެން ފައިސަލް އަށް ރީނދޫ ކާޑެއް ދައްކައި ނިއު އަށް ޕެނަލްޓީއެއް ދީފި. ޕެނަލްޓީ ޖަހަނީ ނިއުގެ ކެޕްޓަން އައްމަޑޭ
2229 ވިކްޓަރީގެ ދެވަނަ ބަދަލު. އަލީ ޝަރީފުގެ ބަދަލުގައި ކުރިން ނިއު އަށް ކުޅުނު އާފިއު މެޗުގެ 73 ވަނަ މިނިޓުގައި ކުޅެން ނުކުމެއްޖެ
2226 މެޗުގެ 69 ވަނަ މިނިޓުގައި ވިކްޓަރީގެ ޕެނަލްޓީ އޭރިޔާ ތެރެއިން ނިއުގެ ދޮނާ ގޯލާ ދިމާލަށް ފޮނުވާލި ޝޮޓް ބްލޮކްކުރަން އުޅުމުގެ ތެރޭގައި ވިކްޓަރީގެ ކެޕްޓަން ސޮބާހްގެ އަތުގައި ބޯޅަ ޖެހުނު ކަމަށް ނިއު ކުޅުންތެރިން އެޕީލްކުރި. އެކަމަކު ރެފްރީ އަމީޒް އެކަމަށް މާ ބޮޑު ސަމާލުކަމެއް ނުދިން،
2224 މެޗުގެ ފުރަތަމަ ކާޑު. މެޗުގެ 68 ވަނަ މިނިޓުގައި ނިއު ފައުޒާނަށް ވިކްޓަރީގެ ކުޑައްޓޭ ކުރި ފައުލަކާ ގުޅިގެން ކުޑައްޓޭ އަށް ރީނދޫ ކާޑެއް
2220 މެޗުގެ 65 މިނިޓުގައި ނިއުގެ ޕެނަލްޓީ އޭރިޔާ ތެރޭގައި ހުސްކޮށް ހުރި ވިކްޓަރީގެ ސެމުއެލް އަށް ފޮނުވާލި ބޯޅަ ބޭރަށް. ދެވަނަ ހާފުގެ މިހާތަނަށް ނިއު އިން ދަނީ ވިކްޓަރީ އަށް ވުރެ ރަނގަޅު ކުޅުމެއް ދައްކަމުން
2219 މެޗުގެ ފުރަތަމަ ބަދަލު. ވިކްޓަރީ އަށް ލަނޑު ޖަހައިދިން ނިޔާޒުގެ ބަދަލުގައި މެޗުގެ 63 ވަނަ މިނިޓުގައި އިސްމާއިލް މުހައްމަދު (އިއްސޭ) ކުޅެން ނުކުމެއްޖެ
ަ 2217 ވިކްޓަރީގެ ހާފުގެ ވާތު ފަޅިން ވިކްޓަރީގެ ފަހަތް ފޫއަޅުވާލުމަށް ފަހު ޗާލްސް ޕެނެލްޓީ އޭރިޔާ ތެރެއަށް ވެދެ ހުރަސްކޮށްލި ބޯޅަ ވިކްޓަރީގެ ކީޕަރު ފައިސަލް ދިފާއުކޮށްފި
2215 މެޗުގެ 59 ވަނަ މިނިޓުގައި ނިއުގެ ޕެނަލްޓީ އޭރިޔާ ބޭރުން ވިކްޓަރީގެ ކުޑައްޓޭ ފޮނުވާލި ބާރު ޝޮޓު އަމާޒުވީ ހުރަސް ދަނޑިއަށް.
2210 މެޗުގެ 56 ވަނަ މިނިޓުގައި ނިއުގެ އެޑަމް ވިކްޓަރީގެ ޕެނަލްޓީ އޭރިޔާ ތެރެއަށް ހުރަސްކޮށްލި ބޯޅަ ޓޮމް ބޮލުން ގޯލާ ދިމާލަށް ފޮނުވާލި ނަމަވެސް އެ ބޯޅަ ގޯލާ އަމާޒުވާ ގޮތެއް ނުވި
07: 22 ދެވަނަ ހާފުގެ ކުރީކޮޅު ދެ ޓީމުގެ ފަރާތުން ވެސް މާ އެދެވޭ ކުޅުމެއް ނުފެނޭ.
2200 ދެވަނަ ހާފުގެ ކުޅުން ފަށައިފި
2145 މެޗުގެ ފުރަތަމަ ހާފުގެ ކުޅުން ނިމިއްޖެ. ފޯރިގަދަ ކުޅުމެއް ފެނުނު ފުރަތަމަ ހާފުގެ 27 ވަނަ މިނިޓުގައި ވިކްޓަރީގެ ނިޔާޒް އެ ޓީމަށް ލަނޑު ޖަހައި ކުރި ހޯދައިދީފައިވަނިކޮށް، މެޗުގެ 36 ވަނަ މިނިޓުގައި ނިއު އަށް އެއްވަރުކޮށްދިނީ ޓޮމް. މި ލަނޑަށް ފަހު ނިއު އިން ނުރައްކާތެރި ދެ ހަމަލާއެއް އުފެއްދި ނަމަވެސް ވިކްޓަރީގެ ކީޕަރު ފައިސަލް ވަނީ އެ ބޯޅަތައް ދިފާއުކޮށްފަ.
2138 މެޗުގެ 38 ވަނަ މިނިޓުގައި ވިކްޓަރީގެ ޕެނަލްޓީ އޭރިޔާ ބޭރުން ނިއުގެ ނާސިރު ފޮނުވާލި ހިލޭ ޖެހުން ފައިސަލްގެ އަތަށް. އަދި 40 ވަނަ މިނިޓުގައި ނިއުގެ ޗާލްސް ވިކްޓަރީގެ ޕެނަލްޓީ އޭރިޔާ ބޭރުން ފޮނުވާލި ބާރު ޝޮޓު ވެސް ފައިސަލް ހިފައިފި
2135 ނިއުގެ ޓޮމް ލަނޑު ޖަހައިފި. މެޗުގެ 36 ވަނަ މިނިޓުގައި ނިއުގެ ޗާލްސް ވިކްޓަރީގެ ޕެނަލްޓީ އޭރިޔާ ތެރެއަށް ހުރަސްކޮށްލި ބޯޅަ ޓޮމް ގޯލުގެ ތެރެއަށް ފޮނުވާލައި މެޗުގެ ނަތީޖާ ހަމަހަމަކޮށްފި. ތިރިތިރިން ޓޮމް ގޯލުގެ ކަނަށް ފޮނުވާލި ބޯޅަ ދިފާއުކުރުމަށް ވިކްޓަރީގެ ގޯލްކީޕަރު ފައިސަލް އަކަށް މި ފަހަރު މާ ބޮޑު ފުރުސަތެއް ނުލިބުނު
ު 2123 މެޗުގެ 33 ވަނަ މިނިޓުގައި ޗާލްސް ވިކްޓަރީގެ ޕެނަލްޓީ އޭރިޔާ ތެރެއަށް ހުރަސްކޮށްލި ބޯޅަ ގޯލުގެ ބުޑުގައި ހުރި ޓޮމް އަށް ގޯލާ ދިމާލަށް ފޮނުވާލެވުމުގެ ަކުރިން ވިކްޓަރީގެ ގޯލްކީޕަރު ފައިސަލް ދިފާއުކޮށްފި. އަދި 34 ވަނަ މިނިޓުގައި ވިކްޓަރީގެ އޭރިޔާ ތެރޭގައި ހުރެ ޓޮމް ފޮނުވާލި ބޯޅަ އަމާޒުވީ ފައިސަލްގެ އަތަށް
2126 ވިކްޓަރީގެ ނިޔާޒް ލަނޑުޖަހައިފި. މެޗުގެ 27 ވަނަ މިނިޓުގައި ވިކްޓަރީގެ އޮއްޕޮ ފޮނުވާލި ހިލޭ ޖެހުން ނިއުގެ ދިފާއީ ފާރުގައި ޖެހިފައި ނިއުގެ ޕެނަލްޓީ އޭރިޔާ ތެރޭގައި ހުރި ނިޔާޒަށް ލިބުމުން، އޭނާ ފޮނުވާލި ބޯޅަ ގޯލުގެ ތެރެއަށް ވަނީ ނިއުގެ ކީޕަރު ޝަފީއުގެ އަތުގައި ޖެހިފައި.
2123 މެޗުގެ 25 ވަނަ މިނިޓުގައި ވިކްޓަރީގެ ޓޫކިލޯ އުފެއްދި ފުރުސަތެއްގައި އޮއްޕޮ ވިކްޓަރީގެ ޕެނަލްޓީ އޭރިޔާ ތެރެއަށް ބޯޅަ ހުރަސްކޮށްލި ނަމަވެސް ނިއުގެ ގޯލު ބުޑުގައި ހުރި ސެމުއެލް އަށް އެ ބޯޅާ ކޮންޓުރޯލްކުރެވުމުގެ ކުރިން ނިއުގެ ކީޕަރު ޝަފީއު ބޯޅަ ހިފައިފި
2118 މެޗުގެ 20 މިނިޓު ކުޅެވިއްޖެ. މެދުތެރޭގައި ގިނައިރު ބޯޅަ ކުޅެމުންދިޔަ ނަމަވެސް ދެ ޓީމަށް ވެސް މާ އެދެވޭ ހަމަލާއެއް އުފެއްދޭ ގޮތެއް ނުވޭ. ވިކްޓަރީން ވެސް ދަނީ މަޑުމަޑުން ގޭމުގެ ތެރެއަށް ވަންނަމުން
09: 21 މެޗުގެ ފުރަތަމަ ދިހަ މިނިޓު ކުޅުން ނިމުނުއިރު ނިއު އިން ދަނީ ވިކްޓަރީ އަށް ވުރެ ރަނގަޅު ކުޅުމެއް ދައްކަމުން. ވިކްޓަރީގެ ހާފުގެ ތެރޭގައި ނިއު އިން ގިނައިރު ބޯޅަ ހިފަހައްޓައިގެން ކުޅެމުންދިޔަ ނަމަވެސް އަދި މާ ނުރައްކާތެރި ހަމަލާއެއް ފޮނުވާލެވޭ ގޮތެއް ނުވޭ
05: 21 މެޗުގެ ހަ ވަނަ މިނިޓުގައި ނިއު ޗާލްސް ވިކްޓަރީގެ ޕެނަލްޓީ އޭރިޔާ ތެރޭގައި ހުރެ ތިރިތިރިން ފޮނުވާލި ބޯޅަ ވިކްޓަރީގެ ކީޕަރު ފައިސަލްގެ އަތުގެ ޖެހިފައި ނިކުތް ވަގުތު ނިއުގެ ޓޮމް އަށް ބޯޅަ ލިބުމުގެ ކުރިން ވިކްޓަރީގެ ޑިފެންޑަރެއް އެ ބޯޅަ ސާފުކޮށްލައިފި
03: 21 މެޗުގެ ހަތަރު ވަނަ މިނިޓުގެ ތެރޭގައި ނިއު ލިބުނު ކޯނަރަކުން ވިކްޓަރީގެ ޕެނަލްޓީ އޭރިޔާ ތެރެއަށް ނިއުގެ އެޑަމް ހުރަސްކޮށްލި ބޯޅަ ކޮންޓުރޯލްކޮށް، ނިއު ނާސިރު ފޮނުވާލި ނަމަވެސް އެ ބޯޅަ ދިޔައީ ބޭރަށް
2100 މެޗުގެ ކުޅުން ފަށައިފި. ނިއު ރޭޑިއަންޓް ފުރަތަމަ ހާފުގައި ކުޅޭނީ ދަނޑުގެ އުތުރު ފަރާތު ހާފުގަ. ވިކްޓަރީ ތިބީ ދެކުނު ފަޅީގައި
2052 މެޗު ފެށުމަށްޓަކައި ދެ ޓީމުގެ ކުޅުންތެރިންނާއި މެޗު އޮފިޝަލުން މިހާރު ތިބީ ދަނޑުމަތީގައި. މެޗުގެ ރެފްރީއަކީ އަހުމަދު އަމީޒް. އެސިސްޓަންޓް ރެފްރީންގެ ގޮތުގައި ތިބީ އިބްރާހިމް ތައުފީގް (ޑޯނާ) އާއި އަހުމަދު އަސްލަމް
ކޮކާކޯލާ އެފްއޭ ކަޕުގެ ފައިނަލުގައި މިރޭ 00: 21 ގައި ނިއު ރޭޑިއަންޓާއި ވިކްޓަރީ ބައްދަލުކުރާ މެޗުގެ ލައިވް ކަވަރޭޖަށް މަރުހަބާ.
މެޗު ފެށެން ވަގުތު ކުޑަތަންވެފަިއިވާއިރު، ދަނޑުގެ އުތުރު ފަރާތުގައި ބެރާއި ދުންމާރީ ހިފައިގެން ތިބި ނިއުގެ ސަޕޯޓަރުންގެ އަޑު ދަނީ ގަދަވަމުންނެވެ. ވިކްޓަރީ އާއި ނިއު އަކީ ރާއްޖޭގެ ފުޓުބޯޅައިގައި ޒަމާންވީ ވާދަވެރިކަމެއް އޮތް ދެ ކްލަބެވެ. މިރޭގެ މެޗަކީ މި ވާދަވެރިކަމުގެ ތެރެއިން މި ސީޒަނުގައި މިހާތަނަށް ފެނިގެންދާނެ އެންމެ ފޯރިގަދަ މެޗަށް ވުމުގެ ފުރުސަތު ބޮޑެވެ.
ވިކްޓަރީގެ ފުރަތަމަ 11:
18 - މުހައްމަދު ފައިސަލް، ގޯލްކީޕަރު
2 - ސެމުއެލް ޓިއޭ ސުމިތު
3 - މުހައްމަދު ޝިފާން (ކުޑައްޓޭ)
7 - މުހުތާރު ނަސީރު (ޓޫކިލޯ)
8 - މުހައްމަދު ޖަމީލް
12 - މުހައްމަދު ރަޝީދު
13 - ހުސެއިން ނިޔާޒް މުހައްމަދު (ބޮކުރީ)
15 - އަހުމަދު ޝާފިއު
23 - އިބްރާހިމް ފަޒީލް (އޮއްޕޮ)
26 - އަލީ ޝަރީފް
27 - ސޮބާހު މުހައްމަދު އިބްރާހިމް، ކެޕްޓަން
ނިއު ރޭޑިއަންޓްގެ ފުރަތަމަ 11:
1 - މުހައްމަދު ޝަފީއު، ގޯލްކީޕަރު
4 - އަހުމަދު އަބްދުﷲ
6 - އާދަމް ޝަރީފް (އެޑަމް)
7 - އަހުމަދު މުހައްމަދު (އައްމަޑޭ) ، ކެޕްޓަން
8 - ފަރުހާދު އިސްމާއިލް (ފަރޭ)
10 - އަހުމަދު ތޯރިގް (ޓޮމް)
13 - މުހައްމަދު ނާސިރު
14- ޗާލްސް ރައިޓް ގަޔޭ
19 - ޕްލަމެން މިރޮސްލާވް ޕެޓްކޮވް
23- އިބްރާހިމް ޝިޔާމް (ދޮނާ)
27 - ފައުޒާން ހަބީބް