އައްޑޫ ކަރަންޓުގެ މައްސަލަ ހައްލު ނުވާތީ ފެނަކައިގެ އިސްވެރިން މަޖިލީހަށް ހާޒިރުކުރަން އެދެފި އައްޑޫ ކަރަންޓްގެ މައްސަލަ- ރޯދައަށް ދާއިމީ ހައްލެއް ލިބޭނެ- ފެނަކަ ފެނަކަގެ މެނޭޖިން ޑިރެކްޓަރުގެ މަގާމަށް މުހައްމަދު ނަޖާހު އައްޔަންކޮށްފި ފެނަކައިގެ މެނޭޖިން

ފެނަކަ ކޯޕަރޭޝަންގެ ދަށުން ރަށްރަށުގައި ހިންގަމުން ދިޔަ 14 އައިސްޕްލާންޓް، މޯލްޑިވްސް އިންޑަސްޓްރިއަލް ފިޝަރީޒް ކޮންޕެނީ، މިފްކޯގެ ދަށަށް ބަދަލުކޮށްފި އެވެ.
އެއީ، ހއ. އިހަވަންދު އާއި ނ. ޅޮއްސާއި ރ. އަލިފުށްޓާއި ބ. ތުޅާދު އާއި ފ. ނިލަންދު އާއި ތ. ހިރިލަންދު އާއި ގއ. ދާންދު އާއި ގއ. ދެއްވަދޫ އާއި ގއ. ގެމަނަފުށްޓާއި ގއ. ކޮލަމާފުށްޓާއި ގދ. ފަރެސްމާތޮޑާ އާއި ގދ. ފިޔޯރީ އަދި ސ. ހިތަދޫގައި ހުންނަ އައިސްޕްލާންޓެވެ.
މިފްކޯއިން ވިދާޅުވީ، މި ހުރިހާ އައިސްޕްލާންޓެއް ފުލް އޮޕަރޭޝަން ކެޕޭސިޓީއަށް ގެނައުމުގެ މަސައްކަތް އެ ކުންފުނީގެ އިންޖިނިއަރުންނާއި ޓެކްނިކަލް މުވައްޒަފުން މަސައްކަތްކުރަމުން އަންނަ ކަމަށެވެ. އަދި މިފްކޯގެ ދަށަށް މި ޕްލާންޓްތައް ބަދަލުކުރުމުން އެ ކުންފުނިން ދެމުންގެންދާ ޚިދުމަތްތައް ފުޅާވެފައިވާކަމަށް އެ ކުންފުނިން ވިދާޅުވިއެވެ.
މި އައިސްޕްލާންޓުތައް މިފްކޯގެ ދަށަށް ބަދަލުކުރުމަށް އެ ކުންފުންޏާއި ފެނަކައާ ދެމެދުގައި މިއަދު ވަނީ އެއްބަސްވުމުގައި ސޮއިކޮށްފަ އެވެ. މި އެއްބަސްވުމުގައި މިފްކޯގެ ފަރާތުން ސޮއިކުރެއްވީ ސީއީއޯ ޑރ. ވިޓާލީ ލޫބުމޮވްއެވެ. އަދި ފެނަކައިގެ ފަރާތުން ސޮއިކުރެއްވީ މެނޭޖިން ޑިރެކްޓަރ މުޙައްމަދު ނަޖާހެވެ.
ފެނަކަ އިން ހިންގާ އައިސްޕްލާންޓުތަކަށް އަބަދު މައްސަލަ ދިމާވެ، އައިސް ނުލިބޭ ކަމުގެ ޝަކުވާ މަސްވެރިން ވަރަށް ގިނައިން ކުރެ އެވެ. ފެނަކަ އިން ކުރިން ބުނެފައިވާ ގޮތުގައި، އެ މައްސަލަ ބޮޑުވެފައި ވަނީ އައިސްޕްލާންޓުތައް މަރާމާތުކުރުމުގެ ފަންނީ ގާބިލުކަން އެ ކުންފުނީގައި ނެތުމުންނެވެ.
އެހެންވެ، ފިޝަރީޒް މިނިސްޓްރީއާ ގުޅިގެން އެ ތަންތަން މިފްކޯގެ ދަށަށް ބަދަލުކުރަން ނިންމީ އެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ