އޮޑިޓިންގ ދާއިރާގެ ފަންނީ ގާބިލުކަން އިތުރުކުރުމަށާއި ދާއިރާގެ ކުރިއެރުމަށް މަޝްވަރާކުރުމަށް ބާއްވާ "އޮޑިޓަރސް ފޯރަމް" މި މަހުގެ 16 ވާ ހޮނިހިރު ދުވަހު ބޭއްވުމަށް ނިންމައިފިއެވެ.
މިއަހަރުގެ ފޯރަމް ކުރިއަށް ގެންދިއުމަށް ހަމަޖެހިފައިވަނީ "ރީޑިފައިނިން އެޝުއަރެންސް, ޓްރަސްޓް، ޓެކްނޮލޮޖީ، ޓްރާންސްޕޭރެންސީ" މި ޝިއާރުގެ ދަށުންނެވެ. މި ފޯރަމްގައި އޮޑިޓިންގ ދާއިރާގެ ފަންނީ ބޭފުޅުންނާއި، ރާއްޖޭގައި ހަރަކާތްތެރިވާ ބޮޑެތި އޮޑިޓް ފާމްތަކުގެ ޕާޓްނަރުންގެ އިތުރުން ދާއިރާގެ މުހިންމު ހިއްސާދާރުން ބައިވެރިވާނެއެވެ.