ވަޓްސްއެޕް އެޕްލިކޭޝަނުގައިވާ އޭއައި ޗެޓްބޮޓާ އެކު ކުރާ މުއާމަލާތްތައް އެއްވެސް ފަރާތަކަށް ނުފެންނާނެ ގޮތަށް "އިންކޮގްނިޓޯ" މޯޑެއް ތައާރަފްކޮށްފި އެވެ.
މި ފީޗާ އޮންކުރުމުން، ވަޓްސްއެޕްގެ ބެލެނިވެރި ކުންފުނި ކަމަށްވާ މެޓަ އަށް ވެސް އެ ޗެޓްތަކެއް ނުކިޔޭނެ ކަމަށް އެ ކުންފުނިން ބުންޏެވެ.
މި ފީޗާގެ މުހިންމު ބައިތައް:
މިކަމާ ގުޅިގެން ސައިބަ ސެކިއުރިޓީ މާހިރުން ކަންބޮޑުވުން ފާޅުކުރަމުންދެ އެވެ. ޕްރޮފެސަ އެލަން ވުޑްވާޑް ވިދާޅުވި ގޮތުގައި، މެސެޖްތައް ފޮހެވިގެން ދިއުމުން، އޭއައި އިން ނުރަނގަޅު ނުވަތަ ގެއްލުންދެނިވި ޖަވާބެއް ދީފި ނަމަ، އެކަމުގެ ޒިންމާ އުފުލާނެ ފަރާތެއް ނުހުންނާނެ އެވެ. މިސާލަކަށް، އަމިއްލައަށް މަރުވުމަށް ނުވަތަ މީހަކަށް ގެއްލުމެއް ދިނުމަށް އޭއައި އިން ހިތްވަރު ދީފި ނަމަ، އެކަމުގެ ހެކި ހޯދުމަކީ މެޓާ އަށާއި ފުލުހުންނަށް ވެސް ކުރެވޭނެ ކަމެއް ނޫނެވެ.
އެކަމަކު ވަޓްސްއެޕުން ބުނާ ގޮތުގައި، އެމީހުންގެ އޭއައިގައި ވަރުގަދަ "ގާޑެއް" ހުންނާނެ އެވެ. އެހެންވެ، ގާނޫނާ ހިލާފު ނުވަތަ ގެއްލުންދެނިވި ސުވާލުތަކަށް ޖަވާބު ދިނުމަށް އޭއައި އިން އިންކާރު ކުރާނެ އެވެ. އަދި މި ވަގުތު މި މޯޑްގައި ބޭނުންކުރެވޭނީ ހަމައެކަނި ލިޔުން ކަމަށާއި، ފޮޓޯ ފަދަ ތަކެތި އަދި ބޭނުން ނުކުރެވޭނެ ކަމަށް ވެސް އެ ކުންފުނިން ބުންޏެވެ.
މެޓާ އިން މިހާރު އަންނަނީ އޭއައިގެ ދާއިރާއަށް ބިލިއަނުން ހަރަދު ކުރަމުންނެވެ. އެ ކުންފުނީގެ އަމާޒަކީ ދުނިޔޭގެ އެންމެ ކުރިއަރާފައިވާ އޭއައި ޕްލެޓްފޯމަށް މެޓާ އޭއައި ހެދުމެވެ.