ބަރަހަނާ މަންޒަރުތައްް ދައްކާ ހަފްލާތައް ބޭއްވުމަކީ މުސްލިމުން ކޮށްގެންވާނެ ކަމެއް ނޫން ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.ސޯޝަލް މީޑިއާ ޕޯސްޓެއްގައި މިނިސްޓަރު މިއަދު ވިދާޅުވީ ގުރުއާން ބާވައިލެއްވުނީ ވެސް ހިދާޔަތެއްގެ ގޮތުގައި ކަމަށެވެ.ގައުމުހެ އިޖުތިމާއީ ކަރާމަތު ނަގަހައްޓައި އިސްލާމީ ސަގާފަތް ރައްކާތެރި ކުރަން ޖެހޭ ކަމަށް ޝަހީމް ވިދާޅުވެފައި ވަނީ ދެ ޖިންސްގެ މީހުން ވާދަކުރާ 15 ވަނަ ވޯލްޑް ބޮޑީބިލްޑިން އެންޑް ފިޒިކް ސްޕޯޓްސް ޗެމްޕިއަންޝިޕް އައްޑޫގައި މިހާރު ކުރިިއަށް ދަނިކޮށެވެ.އެކަމާއި ގުޅިގެން މިނިސްޓަރު ޝަހީމް އެކްސްގައި ކުރެއްވި ޕޯސްޓެއްގައި ވިދާޅުވީ، ބަރަހަނާ މަންޒަރުތައް ދައްކާ ހަފްލާތައް ބޭއްވުމަކީ މުސްލިމުން ކޮށްގެންވާނެ ކަމެއްނޫން ކަމަށެވެ."ގައުމުގެ އިޖްތިމާއި ކަރާމަތު ނަގަހައްޓައި އިސްލާމީ ސަގާފަތު ރައްކާތެރިކުރަންޖެހޭ. ގުރުއާން ބާވައިލެއްވުނީ ހިދާޔަތެއްގެ ގޮތުގަ." މިނިސްޓަރު ޝަހީމް ވިދާޅުވެފައިވެ އެވެ.މިނިސްޓަރު ޝަހީމް މިހެން ވިދާޅުވެފައިވާއިރު، އައްޑޫ ސިޓީގައި ބޭއްވި ބޮޑީ ބިލްޑިން މުބާރާތެއްގެ ފޮޓޯތަކާއި ވީޑިއޯ ތަކުގައި އަންހެނުންނާއި ފިރިހެނުން މައްސުނިކޮށް ބޮޑީ ބިލްޓް ކުރާ މަންޒަރުފެނެ އެވެ. އެކަމާއި ގުޅިގެން ގިނަ ބައެއްގެ ފާޑި ކިއުން ދަނީ ސަރުކާރަށް އަމާޒުވަމުންނެވެ.