2 އަހަރުދުވަހަށްފަހު ގައްޒާގެ ކަރަންޓުގެ ހާލަތު ރަނގަޅުވެއްޖެއެވެ. ގައްޒާގައި ހުންނަ ހަމައެކަނި އިންޖީނުގޭއިން މިހާރު 75 އިންސައްތަ ކެޕޭސިޓީގައި ކަރަންޓު ދެވޭ ކަމަށް އަލްޖަޒީރާއިން ބުނެއެވެ. އެއާއެކު މިހާރު ދުވާލަކު 12 ގަޑިއިރު ގައްޒާއަށް ކަރަންޓުދެވޭނެ ކަމަށް މައުލޫމާތު ލިބެއެވެ.
މިިހާރު އިސްރާއީލުން 120 މެގަވޯޓްސްގެ ކަރަންޓު ފޯރުކޮށްދޭއިރު އިންޖީނުގެއިން 75 އިންސައްތައަށް މަސައްކަތްކުރަން ފެށުމުން 8 ގަޑިއިރުން 8 ގަޑިއިރުން ކަރަންޓު ދެވޭނެ ކަމަށް އަލްޖަޒީރާއިން ބުނެއެވެ.
އިސްރާއީލުން ބަންދުކޮށްފައިވާ ގައްޒާއަށް ކަރަންޓުގެ މައްސަލަ ކުރިމަތިވެފައިވާތާ އެތައް މަހެއް މިވަނީ ފާއިތުވެގޮސްފައެވެ. އަދި ގައްޒާގެ ރައްޔިތުން ދިރިއުޅެމުންދިޔައީ ދުވާލަކު އެންމެ ގަޑިއިރެއްގެ ކަރަންޓާއެކު ކަން ފާހަގަކޮށްލެވެއެވެ. ގައްޒާގެ ކަރަންޓުގެ ހާލަތު ރަނގަޅުވުމުގެ އުންމީދުތައް އާލާވެފައިވާއިރު މިކަންވެސް ބިނާވެގެންވާނީ ގައްޒާއާއި ހަމާސްއާ ދެމެދުގެ ގުޅުމަށް ކަމަށް މީޑިއާ ރިޕޯޓްތައް ބުނެއެވެ. ގައްޒާގެ ކަރަންޓުގެ ހާލަތު ރަނގަޅުވުމުގެ އުންމީދު އާލާވެފައިވާއިރު އިސްރާއީލުން މީގެ ކުރިން ވަނީ ގައްޒާގެ ކަރަންޓުގެ ހާލަތު ރަނގަޅުކުރުމަށް ފޮނުވި އެހީގެ ތެޔޮވެސް ގައްޒާއަށް އެތެރެކުރުން ހުއްޓުވާފައި ފާހަގަކޮށްލެވެއެވެ.