ގޯލްޑަން ފުޓްސަލް ޗެލެންޖް 2025 ގެ ފ. އަތޮޅު ފައިނަލުން އެންމެ ފަހުގެ ޗެމްޕިއަން ބިލެއްދޫ ބަލިކޮށް ދަރަނބޫދޫ ޖާގަ ހޯދައިފި އެވެ.
ރެހެންދި ފުޓްސަލް ދަނޑުގައި ރޭ ދަރަނބޫދޫ އިން ބިލެއްދޫގެ މައްޗަށް ކުރިހޯދީ 2-1 ގެ ނަތީޖާ އަކުންނެވެ.
މި މެޗުގެ ފުރަތަމަ ހާފު ނިމުމުގެ ކުރިން ބިލެއްދޫ އިން ވަނީ ގޯލު ޖަހާ ލީޑު ނަގާފަ އެވެ. މި ގޯލު މެޗުގެ 14 ވަނަ މިނެޓުގައި އެ ޓީމަށް ޖަހާދިނީ ނަދީފް އިބްރާހީމް އެވެ. އެކަމަކު ދެ ވަނަ ހާފު ފަށައިގެން ނުވަ ވަނަ މިނެޓުގައި ދަރަނބޫދޫގެ މުޒްދާން ހަސަން ވަނީ ގޯލު ޖަހާ އެ ޓީމަށް ނަތީޖާ ހަމަހަމަ ކޮށްދީފަ އެވެ. އަދި މެޗުން ދަރަނބޫދޫ މޮޅުކޮށްދިން ގޯލު އޭގެ ދެ މިނެޓު ފަހުން އެ ޓީމަށް ޖަހާދިނީ ރައްޔާން ރިޔާހް އެވެ.
މީގެ އިތުރުން ރޭ މި އަތޮޅުގައި ފީއަލިގެ މައްޗަށް ނިލަންދޫ ކުރިހޯދީ 3-0 ގެ ނަތީޖާ އަކުންނެވެ. މި މެޗުގެ ތިންވަނަ މިނެޓުގައި ނިލަންދޫ އަށް ލީޑު ނަގާދިނީ ލުހާމް އަބްދުލް ލަތީފް ޖަހާދިން ގޯލުންނެވެ. އަދި ފުރަތަމަ ހާފު ނިމެން ދެ މިނެޓެށް ވެފައި ހުއްޓަ ލުހާމް ވަނީ އިތުރު ގޯލެއް ޖަހާ ލީޑު ފުޅާކޮށްދީފަ އެވެ.
ނިލަންދޫ އިން ޖެހި ތިންވަނަ ގޯލު މެޗުގެ 26 ވަނަ މިނެޓުގައި އެ ޓީމަށް ޖަހާދިނީ ސައްދާމް ހުސެއިން އެވެ.
މި ނަތީޖާތަކާއެކު ދަރަނބޫދޫ ފައިނަލުގެ ޖާގަ ކަށަވަރުކުރީ ލީގު ބުރުގައި ކުޅުނު ތިން މެޗުން ނުވަ ޕޮއިންޓް ހޯދައިގެންނެވެ. ދެ ވަނައިގައި އޮތް މަގޫދޫ އަށް ތިން މެޗުން ހަތް ޕޮއިންޓް ވަނީ ލިބިފަ އެވެ. އަދި ތިން ވަނައިގައި ބިލެއްދޫ އޮތީ ތިން މެޗުން ހަތަރު ޕޮއިންޓް ހޯދައިގެންނެވެ. ހަތަރެއްގައި އޮތް ނިލަންދޫ އަށް ތިން ޕޮއިންޓް އަދި ފުލުގައި އޮތް ފީއަލީ އަށް ޕޮއިންޓެއް ލިބިފައިނުވެ އެވެ.
16:00: ހއ. މާރަންދޫ - ހއ. ފިއްލަދޫ
16:00: ހއ. ބާރަށް - ހއ. ކެލާ
17:00: ހއ. ވަށަފަރު - ހއ. އިހަވަންދޫ
17:00: ހއ. ދިއްދޫ - ހއ. އުތީމު
----------------------------------------
20:00: ހދ، ހަނިމާދޫ - ހދ. ފިނޭ
20:00: ހދ. ނޭކުރެންދޫ - ހދ. މަކުނުދޫ
21:00: ހދ. ކުމުންދޫ - ހދ. ނައިވާދޫ
21:00: ހދ. ނޮޅިވަރަން - ހދ. ވައިކަރަދޫ
22:00: މ. ވޭވަށް - މ. ދިއްގަރު
22:00: މ. މުލަކު - މ. މަޑުއްވަރީ
23:00: މ. ނާލާފުށި - މ. ކޮޅުފުށި