އެލޮން މަސްކް ވަނީ ރައީސް ޓްރަޕް ހުވާ ކުރުމުގެ ނަސްމިއްޔާތުގައި ނާޒީ ސެލިއުޓް ކޮށްފަ އެވެ. މިކަން ބޮޑުކޮށްލައިގެެން އުޅެނީ ޔަހޫދީ ލޮބީ ގްރޫޕްތަކުންނެވެ.
ރައީސް ޓްރަމްޕް ހުވާކުރުމަށް ބޭއްވި ރަސްމިއްޔާތަށް ގޮސް ބިލިއަނަރު އެލޮން މަސްކް ނާޒީ ހިޓްލަރުގެ ކުރުނީސް ކުރި މައްސަލަ ވަރަށް ހޫނުވެއްޖެ އެވެ. 
ދުނިޔޭގެ މަހުޖަނުންގެ ލިސްޓުގެ އެންމެ ކުރީގައި އުޅޭ އެމެރިކާގެ ބިލިއަނަރު އަދި ޓެސްލާ / ސްޕޭސް އެކްސްގެ ބާނީ އެލޮން މަސްކް ނެގި ނާޒީ ސެލިއުޓުގެ ސަބަބުން އޭނާއަށް ގިނަ ބަޔަކު ދަނީ ފާޑު ކިޔަމުންނެވެ. 
ގިނަ ބައެއްގެ ފާޑު ކިޔުން މި ފަހަރު އެލޮން މަސްކްއަށް އަމާޒުވި މައިގަނޑު އެއް ހިޓްލަރު ޔަހޫދީންނަށް ލާއިންސާނި އަނިޔާ ދީފައިވާ މީހެއް ކަމަށް ޔަހޫދީން ބުނާ ބުނުމެވެ. އެހެންވެ ނާޒީ ހިޓްލަރުގެ ސެލިއުޓެއް އެމެރިކާގެ އާ ސަރުކާރުގެ ނުފޫޒުގަދަ ބޭފުޅަކު ރަސްމީ ހަފުލާއެއްގައި ނެގުމުން ޔަހޫދީ ލޮބީ ގްރޫޕްތަކުން ވަނީ މި މައްސަލަ ބޮޑުކޮށްލާފަ އެވެ. އެލޮން މަސްކުގެ ނާޒީ ސެލިއުޓް ހޫނުވި އަނެއް ސަބަބަކީ ޔޫރަޕުގެ ދޮން ނަސްލުގެ ހަރުކަށި މީހުންނާ ޓްރަމްޕާ ގުޅުންތަކެއްވާ ކަމަށް މީގެ ކުރިން ދެކެވެމުންދާ ވާހަކަ ތަކަކެވެ. 
ޔޫރަޕަށް ހިޖުރަކުރާ މީހުންނާއި ކަޅު ނަސްލުގެ މީހުންނަށް ނަފުރަތުގެ އަލިފާން ކައްކާ ވައިޓް ސްޕްރެމިސްޓް ގްރޫޕްތަކުން މީގެ ކުރިން ވަނީ ޓްރަމްޕުގެ ގިނަ ކަންކަމަށް ތާއީދުކޮށްފަ އެވެ. ޔޫރަޕުގެ އެކި ގައުމުތަކުގައި އުޅޭ ހަތިޔާރު އެޅި ނުލީ ސިފައިން ހިމެނޭ މި ގްރޫޕްތަކުގެ ބައެއް މެންބަރުން ވަނީ 6، ޖެނުއަރީ 2021 ވަނަ އަހަރު އެމެރިކާގެ ކޮންގްރެސް ހުންނަ އިމާރާތައް އަރަިއގަތުމުގައި ވެސް ބައިވެރިވެފަ އެވެ. 
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ