ސްކޫލް ތަކުގެ އެކްޓިވިޓީ ޔުނީފޯމް ފޯރުކޮށް ދޭ "އެޗްއެމްއެފް މޯލްޑިވްސް" ގެ ސްކޫލް ޔުނީފޯމްތައް މޯލްޑިވްސް ޕޯސްޓްގެ "އީ-ޓުކުރި" އިން އޮންލައިން ކޮށް ގެއަށް ގެންގޮސް ދޭން ފަށައިފި އެވެ.
ޕޯސްޓް އޮފީހުން ބުނި ގޮތުގައި އި ކޮމާސް ޕްލެޓްފޯމް އީ-ޓުކުރިން އަށް ސްކޫލެއްގެ އެކްޓިވިޓީ ޔުނީފޯމް އޮންލައިންކޮށް މިހާރު ގަނެވޭނެ އެވެ.
އީ-ޓުކުރިން ލިބެން ހުރި އެކްޓިވިޓީ ޔުނީފޯމްތަކުގެ ތެރޭގައި އަމީނިއްޔާ ސްކޫލް އާއި އިއްޒުއްދީން ސްކޫލް އަދި ތާޖުއްދީން ސްކޫލުގެ އިތުރުން ޖަމާލުއްދީން ސްކޫލާއި އިސްކަންދަރު ސްކޫލް އަދި ޣާޒީ ސްކޫލްގެ އިތުރުން ސީއެޗްއެސްއީ އަދި އަރަބިއްޔާ ވެސް ސްކޫލް އެވެ.
އީ-ޓުކުރިން ފެށި މި ހިދުމަތާއެކު ބެލެނެވެރިންނަށް ކިޔުގައި ވަގުތު ބޭކާރު ނުކޮށް ޔުނީފޯމް ގަތުމުގެ މަގު ފަހި ވެގެންދާނެ އެވެ. މި ހިދުމަތް ހޯދުމަށް އޮންލައިންކޮށް 24 ގަޑިއިރު ފައިސާ ދެއްކޭނެ އެވެ. އީ-ޓުކުރި ޕްލެޓްފޯމުން ވިޔަފާރި ކުރުމުން ގަންނަ އެއްޗެއްގެ އަޕްޑޭޑް ހޯދުމަށް އައިޓަމް ޓްރެކް ވެސް ކުރެެވެ އެވެ. އަދު ގަންނަ މުދާ ދޮރާ ހަމައަށް ގެންގޮސްދޭނެ އެވެ.
އެޗްއެމް އެފް މޯލްޑިވްސް އިން ބުނީ އީ-ޓުކުރިއާ ގުޅިގެން އޮންލައިންކޮށް އެކްޓިވިޓީ ޔުނީފޯމް ލިބޭނެ ގޮތް ހެދީ ކިޔޫގައި މަޑުނުކޮށް، ރައްކާތެރި ކަމާއެކު، ގައިދުރު ކަމާއެކު ޔުނީފޯމް ފޯރުކޮށް ދޭން ވެގެނެވެ.
އީ-ޓުކުރިން ޔުނީފޯމް އެޗްއެމްއެފް މޯލްޑިވްސްގެ އީ-ޓުކުރި ސްޓޯރް އިން ގަނެވެ އެވެ.
އީ-ޓުކުރި ލޯކަލް ޕްލެޓްފޯމަކީ ރަޖިސްޓްރީވެފައިވާ ކުދި އަދި މެދުފަންތީގެ ވިޔަފާރިތަކާ ކޯޕަރޭޓިވްސްތަކާއި އަދި އޮންލައިން ވިޔަފާރީގެ ތެރެ އަށް ވަންނަން ބޭނުންވާ ފަރާތްތަކަށް މޯލްޑިވްސް ޕޯސްޓުން ފޯރުކޮށްދޭ އީ-ކޮމާސް ސޮލިއުޝަން އެކެވެ.