ޛިކުރުކުރުމޭ ބުނުމުނެ ގިނަ ބައަކު އެކަން ނަގަނީ ވަރަށް އާދައިގެ ވަރަށް ކުޑަކުޑަކަމެއްގެ ގޮތުގައެވެ. އެހެނަސް ޢިލްމްވެރިން ބަޔާންކުރައްވާ ގޮތުގައި ޛިކުރުކުރުމަކީ ތިމާއާއި ﷲ ތަޢާލާ އާއި ގުޅުވައިލަދޭ އެންމެ މުހިންމު ވަސީލަތެވެ. 
ހަމައެއާއިއެކު ﷲ ތަޢާލާގެ މަތިން ގިނަގިނައިން ހަނދާންކޮށް ޛިކުރުކުރާ މީހަކާއި ޝައިޠޯނާއަށް ކައިރިއެއް ނުވެވޭނެއެވެ. އެކަމުގެ ސަބަބުން ފާފަކުރުމާއި ދުރުހެލިވެވޭނެއެވެ. އަދި އަޅުކަން ކުރަން އިތުރުހިތްވަރު ލިބެމުންދާނެއެވެ. 
ޛިކުރުކުރުމާއިމެދު އޮތް މިބަސްފުޅަށް ވިސްނައިލަމާތޯ؟ 
"އެންމެ މާތް ޢަމަލުތަކުގެ ތެރޭގައި ހިމެނޭކަމެއް! ﷲ ގެ ޙަޟްރަތުގައި މަޤްބޫލުވެގެންވާކަމެއް! ﷲ ގެ ޙަޟްރަތުގައި ދަރަޖަ އެންމެ ބޮޑަށް އުފުއްލަނިވި އެއްކަން! ރަނާއި ރިހިން ޞަދަޤާތްކުރުމަށްވުރެ ފައިދާބޮޑު ކަމެއް! ހަނގުރާމައިގައި ޝަހީދުވުމާއި، މޮޅުވުމަށްވުރެ އިތުރުކަން ބޮޑު ކަމެއް! ކޮން ކަމެއްތޯ؟ އާދެ ﷲ ގެ ޒިކުރުކުރުން!"
(سنن الترمذي 3377)- ޝައިޚް އަހްމަދު ރިމާޒް