ދިވެހިރާއްޖޭގެ ގައުމީ ޔުނިވަރސިޓީ (އެމްއެންޔޫ) އިން ބާއްވާ ވަޒީފާގެ މައުރަޒުގައި ޒިޔާރަތްކުރާ ފަރާތްތަކަށް ޓޫރިޒަމާއި ތިމާވެށީގެ މައުލޫމާތު ހިމެނޭ ކުއިޒެއްގައި ބައިވެރިވުމުގެ ފުރުސަތު ލިބޭނެއެވެ.
މި ކުއިޒްގައި ބައިވެރިވާ ފަރާތްތަކުގެ ތެރެއިން އެއް ފަރާތަކަށް ވިލު ރެސްޓް ގެސްޓްހައުސްގައި އެއް ރޭ ހިލޭ ހުރުމުގެ ފުރުސަތު ލިބޭނެ އެވެ. މި ފުރުސަތަކީ ކުއިޒްގައި ބައިވެރިވާ ފަރާތްތަކުގެ ތެރެއިން އެންމެ މޮޅު ނަތީޖާ ހޯދާ ފަރާތަކަށް ލިބޭނެ ފުރުސަތެއް ކަމަށް ބެލެވެއެވެ.
"މި މައުރަޒުގައި ބައިވެރިވުމުގެ މަޤްސަދަކީ ޓޫރިޒަމާއި ތިމާވެށީގެ ދާއިރާއިން ޒުވާނުންނަށް މައުލޫމާތު ފޯރުކޮށްދިނުމެވެ.
އެމްއެންޔޫ ވަޒީފާގެ މައުރަޒު ބޭއްވުމަށް ހަމަޖެހިފައިވަނީ މިމަހުގެ 22 ން 23 ވަނަ ދުވަހު، އެމްއެންޔޫގެ މައި ކެމްޕަހުގައެވެ. މި މައުރަޒުގައި ގިނަ އަދަދެއްގެ ކުންފުނިތަކާއި ވިޔަފާރިތަކުން ބައިވެރިވާނެ ކަމަށް ބެލެވެއެވެ.
 
 
ހަބަރު: ސަރުކާރު